«ريددەردەگى جەس-كە قازاقستاندىق جاڭا ينۆەستور كەلدى. شارتتار ماعان ءالى بەلگىسىز. ويتكەنى بۇل قۇپيا اقپارات جانە ونى جەكە مەنشىك يەلەرى زاڭعا سايكەس ءوزارا جاسايدى. قازىر جەس-ءتىڭ جاڭا يەسى بار جانە ءبىز ونىمەن بىرگە جۇمىس ىستەيمىز», دەدى دانيال احمەتوۆ.
سونىمەن قاتار شقو اكىمى ءوز سوزىندە, جاڭا باسشىنىڭ ءتيىمدى قىزمەت ەتەتىنە سەنىم بىلدىرەتىنىن ايتتى.
«كەلىسىم شارتقا ساي, ول جاقىن ارادا كۇردەلى جۇمىستارعا ارنالعان كەمىندە 7 ملرد تەڭگە مولشەرىندەگى رەزەرۆتى بانك انىقتاماسىن تاپسىرۋى كەرەك», دەپ اتاپ ءوتتى ول.
سونداي-اق ول قازاقستان زاڭى جەكە مەنشىك قىزمەتىنە, ءتىپتى قيىن جاعدالايلاردا دا تىكەلەي ارالاسۋعا مۇمكىندىك بەرمەيتىنىن ايتتى.
ء«بىز قۇقىقتىق مەملەكەتتە جۇمىس ىستەيمىز, سوندىقتان جاعداي وسىنداي. مەنىڭ ويىمشا, ەنەرگەتيكا مينيسترلىگى ماڭىزدى جاعدايلاردا مەنشىك نىسانى ماسەلەلەرىنە ارالاسۋعا مۇمكىندىك بەرەتىن ءتيىستى وزگەرىستەر ەنگىزۋى كەرەك», دەپ ناقتىلادى شقو اكىمى.
وسى رەتتە ول وتكەن بەيسەنبىدە ريددەردەگى جەس-تە ءورت بولعانىن ەسكە سالا كەتتى.
ء«بىز تاۋلىك بويى جۇمىس جۇرگىزىلۋىن ۇيىمداستىردىق. بۇگىن كۇننىڭ سوڭىنا قاراي ءبىرىنشى كەزەك اياقتالادى. 180 مەتر كومىر بەرۋ كونۆەيەرى قالپىنا كەلتىرىلەدى, ەرتەڭ كەشكە قاراي ءبىرىنشى جول ىسكە قوسىلادى. ءبىز شىنىمەن دە ماڭىزدى شارالار قابىلدادىق. تەمپەراتۋرانى ۇستاپ تۇرۋ ءۇشىن كومىردى 70 توننالىق كران ارقىلى بەردىك. شاتىردا ويىق جاساپ, 100-دەن استام ادامدى ورنالاستىرۋ ارقىلى كۇن سايىن 240 توننا كومىر تاسىمالدادىق. ويتكەنى بىزدە باسقا امال بولعان جوق. ەگەر ولاي ەتپەسەك, وتە قيىن جاعدايعا تاپ بولار ەدىك», دەپ قورىتىندىلادى ءسوزىن دانيال احمەتوۆ.
بۇعان دەيىن شىعىس قازاقستان وبلىسى اكىمدىگىنىڭ ءباسپاسوز قىزمەتى قۇقىق قورعاۋ ورگاندارى تەرگەۋ جۇرگىزىپ جاتقانىن, ونىڭ ناتيجەلەرى بويىنشا ريددەر جەس مەملەكەتتىك مەنشىككە وتەتىنىن نەمەسە ريددەر تۇرعىندارى الدىنداعى بارلىق مىندەتتەمەلەردى ورىنداي الاتىن جانە قارىزداردى جاۋىپ قانا قويماي, جابدىقتار مەن جەلىلەرگە كۇردەلى جوندەۋ جۇرگىزە الاتىن ينۆەستورعا بەرىلەتىنىن مالىمدەگەن ەدى.
شقو اكىمىنىڭ ايتۋىنشا, ءورت كاسىپورىن يەلەرىنىڭ جاۋاپسىزدىعىنان بولعان.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى
