شيرەك فينال ساتىسىندا قازاقستان تەننيسشىسى لاتۆيا وكىلى جانە وسى جارىستاردىڭ 17-ءشى راكەتكاسى ەلەنا وستاپەنكومەن كۇش سىناستى. رىباكينا بۇل جەكپە-جەكتى سەنىمدى تۇردە باستادى, قارسىلاستىڭ يننينگىندە برەيك جاساپ, ءبىرىنشى سەتتە 6:2 ەسەبىمەن جەڭىسكە جەتتى. ماتچتىڭ ءبىرىنشى بولىگى 1 ساعات 5 مينۋتتىق ويىن ۋاقىتىن الدى. ماتچ كەنەتتەن جاۋعان جاڭبىر سالدارىنان توقتاپ, ۇيىمداستىرۋشىلار رود لەيۆەر ارەناسىنىڭ شاتىرىن جابۋعا ءماجبۇر بولدى.
ەكىنشى پارتيا وستاپەنكونىڭ ورىنداۋىنداعى برەيكتەن باستالدى, لاتۆيا وكىلى 2:0 ەسەبىمەن العا شىقتى. الايدا رىباكينا وعان ەسە قايتارىپ, قاتارىنان 4 ويىندا جەڭىسكە جەتتى. ويىن 6:2, 6:4 ەسەبىمەن اياقتالدى.
وسىلايشا, ەلەنا رىباكينا ءوز مانسابىندا العاش رەت اۆستراليا اشىق چەمپيوناتىنىڭ جارتىلاي فينالىنا شىقتى. بۇعان دەيىن قازاقستان وكىلدەرى مۇنداي كورسەتكىشكە قول جەتكىزە الماعان ەدى.
فينالدىڭ 1/2 كەزەڭىندە ەلەنا رىباكينا دجەسسيكا پەگۋلا (اقش) مەن ۆيكتوريا ازارەنكا (بەلارۋس) اراسىنداعى ماتچتىڭ جەڭىمپازىمەن كەزدەسەدى.
