جارىستىڭ العاشقى كۇنى قازاقستان جاستار قۇراماسىنىڭ مۇشەسى بوگدان لۋكين تابىستى ونەر كورسەتتى. باستاپقى باسەكەلەردە بارلىق قارسىلاسىنان باسىم تۇسكەن ول جارتىلاي فينالدا ەستونيالىق سالم ماركۋستان ءبىر عانا ۇپاي ۇتىلىپ, قولا مەدال يەلەندى. ناتيجەسىندە, بالتىق جاعالاۋىنىڭ وكىلى كۇمىسپەن كۇپتەلسە, باس جۇلدە مىسىرلىق ەل-سايد مۇحاممەدكە بۇيىردى. تاعى ءبىر قولانى يوردانيالىق ودەن لياد ەنشىلەدى. وزگە جەرلەستەرىمىز مىناداي ورىنداردى يەلەندى: الەكسەي كاساتكين – 9, گەورگي تيننيكوۆ – 32, ميحايل كۋزمين – 40, اڭسار قاسەن – 44, ارمان جابايحانوۆ – 58 جانە ۆلاديسلاۆ سنەگيرەۆ – 59.
كوماندالىق سايىستىڭ «شپاگا» جاتتىعۋى بويىنشا قازاقستان قۇراماسى كۇمىس مەدال ولجالادى. ءبىزدىڭ جىگىتتەر جارتىلاي فينالدا ەستونيانى جەڭگەنىمەن, اقتىق سىندا مىسىرعا ەسە جىبەردى.
