«الماتىداعى ساپارىم بارىسىندا جۋىردا عانا قايتا قۇرىلعان «قازاق گازەتتەرىنىڭ» ۇجىمىمەن كەزدەستىم. «قازاق گازەتتەرى» مەن «ەگەمەن قازاقستان» جشس-نىڭ بىرىگۋ جۇمىستارى ءساتتى اياقتالدى. سوندىقتان «قازاق گازەتتەرى» دەپ اتالاتىن قۇرىلىم ءوز دامۋىنىڭ جاڭا كەزەڭىنە اياق باستى دەپ ايتا الامىز. جاڭا قۇرىلىم جاڭا عيماراتتا جۇمىسىن باستادى. ۇجىم قىزمەتكەرلەرىنىڭ جالاقىسى, قالاماقىسى مەن سىياقىسى دا ءوستى. الدا اتقارىلاتىن جۇمىس كوپ», دەپ جازدى مينيستر الەۋمەتتىك جەلىدە.
وسىنداي وزگەرىستەرگە بايلانىستى ەندىگىدە «ەگەمەن قازاقستان», «كازاحستانسكايا پراۆدا», «انا ءتىلى», «اقيقات», «مىسل», «تەڭگە مونيتور», «ۇيعىر اۆازي», «ۇركەر», «اقجەلكەن», «بالدىرعان», «ۇلان», «درۋجنىە رەبياتا» باسىلىمدارى ءبىر شاڭىراقتىڭ استىندا قىزمەت ىستەيدى.
«ەكى ۇجىمنىڭ بىرىگۋىنە وراي «قازاق گازەتتەرىنىڭ» باس ديرەكتورى بولىپ اكادەميك ديحان قامزابەك ۇلى تاعايىندالدى. سونداي-اق بەلگىلى جۋرناليست دۋمان اناش «قازاق گازەتتەرى» باس ديرەكتوردىڭ ورىنباسارى – الماتى فيليالىنىڭ باسشىسى, ەرلان ءجۇنىس «انا ءتىلى» گازەتىنىڭ باس رەداكتورى جانە اسىل ساعىمبەكوۆ «مىسل» جۋرنالىنىڭ باس رەداكتورى بولىپ تاعايىندالدى. ال تالاي جىل جۋرناليستيكا سالاسىندا ءونىمدى قىزمەت ەتكەن, ەڭبەك سىڭىرگەن مادەنيەت قايراتكەرى شامشيدين پاتتەەۆ اعامىز جۇمىستان بوساۋعا ءوتىنىش جازعان ەدى. اعامىزعا قاجىرلى قىزمەتى ءۇشىن ريزاشىلىق بىلدىرەمىز», دەدى دارحان قىدىرالى.
سونداي-اق مينيستر ءوز وتىنىشىمەن قىزمەتتەن بوساعان قازاقستاننىڭ ەڭبەك سىڭىرگەن قايراتكەرى, قارىمدى قالامگەر قالي سارسەنبايعا دا جەمىستى ەڭبەگى ءۇشىن العىس ءبىلدىردى.
كەزدەسۋ بارىسىندا اقپارات جانە قوعامدىق دامۋ ءمينيسترى «درۋجنىە رەبياتا» باسىلىمىن 90 جىلدىق مەرەيتويىمەن قۇتتىقتادى.
