«مەملەكەت باسشىسىنىڭ وكىمىمەن نايل رافيسوۆيچ احمەتزاكيروۆ قازاقستان رەسپۋبليكاسى سوت اكىمشىلىگىنىڭ باسشىسى لاۋازىمىنا تاعايىندالدى», دەپ جازىلعان حابارلامادا.
نايل احمەتزاكيروۆ 1983 جىلدىڭ 30 مامىرىندا شىعىس قازاقستان وبلىسى زىريان قالاسىندا ومىرگە كەلگەن.
ماماندىعى (بىلىكتىلىگى), ليتسەنزيالارى:
- قازاق گۋمانيتارلىق زاڭ ۋنيۆەرسيتەتى (2004), «زاڭتانۋ» ماماندىعى
- رەسەي فەدەراتسياسىنىڭ قازىرگى گۋمانيتارلىق اكادەمياسى (2008), «بۋحگالتەرلىك ەسەپ, تالداۋ جانە اۋديت» ماماندىعى
- زاڭتانۋ ماگيسترى, «پروكۋرورلىق قاداعالاۋ» ماماندىعى
- قازاقستان رەسپۋبليكاسى قۇقىق قورعاۋ ورگاندارى باسشىلىعىنىڭ پرەزيدەنتتىك رەزەرۆىندە تۇرعان قۇقىق قورعاۋ ورگاندارى قىزمەتكەرلەرىن كاسىبي دايارلاۋ جانە بىلىكتىلىگىن ارتتىرۋ كۋرستارى
- اعا ادىلەت كەڭەسشىسى
ەڭبەك جولىن زىريان اۋدانى پروكۋرورىنىڭ كومەكشىسى, شىعىس قازاقستان وبلىسى پروكۋراتۋرا باسقارماسىنىڭ اعا پروكۋرورى, ينستيتۋت ءبولىمىنىڭ اعا پروكۋرورى بولىپ باستاعان. پرەزيدەنت اكىمشىلىگى قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارىنا دەيىنگى جولدا بىرقاتار لاۋازىمدى قىزمەت اتقارعان.
مەملەكەتتىك جانە حالىقارالىق ناگرادالار, سىيلىقتار, قۇرمەتتى اتاقتار:
- مەدالدار: «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتويلىق مەدالى, «حالىقارالىق ىنتىماقتاستىقتى دامىتۋعا قوسقان ۇلەسى ءۇشىن», ء«مىنسىز قىزمەتى ءۇشىن» III دارەجەلى ۆەدومستۆولىق مەدالدارى, «قازاقستان رەسپۋبليكاسىنىڭ پروكۋراتۋراسىنا 20 جىل», «قازاقستان رەسپۋبليكاسىنىڭ پروكۋراتۋراسىنا 25 جىل», «قازاقستان رەسپۋبليكاسىنىڭ قۇقىقتىق ستاتيستيكا ورگاندارىنا 25 جىل», «قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ باسقارماسى» رەسپۋبليكالىق مەملەكەتتىك قازىنالىق كاسىپورنى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى;
- ءى دارەجەلى «پروكۋراتۋرا ۇزدىگى», ءىى دارەجەلى «پروكۋراتۋرا وزاتى», «قازاقستان پوليتسياسىنا 25 جىل» توسبەلگىلەرى;
- قازاقستان رەسپۋبليكاسى باس پروكۋرورىنىڭ قۇرمەت گراموتاسى;
- قازاقستان رەسپۋبليكاسى باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ «قۇرمەتتى پروفەسسورى» (13.06.2018 جىلعى №45 بۇيرىق)
