Reuters اگەنتتىگىنىڭ حابارلاۋىنشا, ەكى ەلدىڭ كوشباسشىلارى بۇل قادامدى ايىرباستاعى كەدەرگىلەردى ەڭسەرۋ, سونداي-اق ەرەجەلەردى جەڭىلدەتۋ جانە مودەرنيزاتسيالاۋ دەپ ءتۇسىندىردى.
«سونداي-اق ءبىز ترانزاكتسيالىق شىعىنداردى ازايتا وتىرىپ, قارجىلىق جانە كوممەرتسيالىق اعىندار ءۇشىن پايدالانىلۋى مۇمكىن ورتاق وڭتۇستىك امەريكا ۆاليۋتاسى بويىنشا تالقىلاۋلاردى العا جىلجىتۋدى شەشتىك», دەلىنگەن ەكى ەل پرەزيدەنتىنىڭ مالىمدەمەسىندە.
ورتاق ۆاليۋتا يدەياسى العاش رەت وتكەن جىلى برازيليانىڭ قازىرگى قارجى ءمينيسترى جانە ونىڭ جاۋاپتى حاتشىسى فەرناندو حادداد پەن گابريەل گاليپولو جازعان ماقالاسىندا كوتەرىلدى.
لۋلا برازيليانىڭ ايماقتاعى ەڭ ءىرى ساۋدا سەرىكتەسىنە العاش رەت بارۋ ءداستۇرى بويىنشا قىزمەتكە كىرىسكەننەن كەيىنگى العاشقى حالىقارالىق ساپارى ءۇشىن ارگەنتينانى تاڭدادى.
ەكى پرەزيدەنت ايماقتىق ينتەگراتسيانى نىعايتۋ ءۇشىن ارگەنتينا مەن برازيليا اراسىنداعى جاقسى قارىم-قاتىناس قاجەت ەكەنىن اتاپ ءوتتى.
كوشباسشىلار سونىمەن قاتار ارگەنتينا, برازيليا, پاراگۆاي جانە ۋرۋگۆاي كىرەتىن مەركوسۋر ساۋدا بلوگىن نىعايتۋدىڭ ماڭىزدىلىعىن اتاپ ءوتتى. جاقىندا برازيليانىڭ قارجى ءمينيسترى حادداد سوڭعى جىلدارى بۇل بلوكتان باس تارتقانىنا وكىنگەنىن ءبىلدىردى.
ەكى ەل وسى اپتادا ورتاق ۆاليۋتا قۇرۋعا دايىندىق جۇمىستارى باستالعانىن رەسمي تۇردە جاريالادى.
