ۆيدەو • 23 قاڭتار، 2023

ءىىم شەتەلدىك اۆتوكولىكتەردى زاڭداستىرۋ جولىن ءتۇسىندىردى

66 رەت كورسەتىلدى

2023 جىلدىڭ 23 قاڭتارىنان باستاپ شەتەلدىك اۆتوكولىكتەردى زاڭداستىرۋ جۇرگىزىلەدى، دەپ حابارلايدى Egemen.kz Polisia.kz-كە سىلتەمە جاساپ. 

قازاقستان ازاماتتارى سىرتتان اكەلگەن شەتەلدىك ەسەپتەگى جەڭىل اۆتوكولىكتەر، شاعىن، ورتا سىيىمدىلىقتاعى اۆتوبۋستار، شاعىن جۇك كولىكتەر جانە ءرولى وڭ جاقتاعى اۆتوكولىكتەردى زاڭداستىرۋ ەرەجەلەرى 2023 جىلدىڭ 1 شىلدەسىنە دەيىن جۇرگىزىلەدى. 

زاڭداستىرۋعا ءوتىنىشتى «ەلەكتروندىق ۇكىمەت» پورتالى ارقىلى نەمەسە مامانداندىرىلعان حقكو-عا جەكە جۇگىنۋ ارقىلى بەرۋگە بولادى. وندا تەك كولىك قۇرالدارىن زاڭداستىرۋعا قۇجاتتار قابىلدايتىن سەكتورلار جۇمىس ىستەيدى. سونىمەن قاتار وندا زاڭداستىرۋ ەرەجەلەرىن تۇسىندىرەتىن اكىمشىلىك پوليتسيا قىزمەتكەرى بولادى. وزىڭىزبەن بىرگە - ءوتىنىش، جەكە كۋالىك، اۆتوكولىك پاسپورتى نەمەسە تىركەۋ تۋرالى كۋالىك، سونداي-اق مەنشىك قۇقىعىن راستايتىن قۇجات بولۋى قاجەت.

ال زاڭداستىرۋ تۋرالى شەشىم ەكى كۇن ىشىندە قابىلدانادى.

اۆتوكولىكتى زاڭداستىرۋ ءۇشىن ءوتىنىم، ءوتىنىم بەرۋشىنىڭ جەكە باسىن كۋالاندىراتىن قۇجات، كولىك قۇرالىنىڭ پاسپورتى نەمەسە تىركەۋ تۋرالى كۋالىك، كولىك قۇرالىنا مەنشىك قۇقىعىن راستايتىن قۇجات تالاپ ەتىلەدى. ناتيجەسى ارنايى بازاعا تىركەلەدى جانە كولىك يەسىنىڭ تەلەفونىنا 1414 نومىرىنەن SMS جىبەرىلەدى. وندا قابىلدانعان شەشىم ناقتى جازىلادى. زاڭداستىرۋعا رۇقسات ەتىلسە، مەملەكەتتىك الىمدار تولەۋ قاجەت.

زاڭداستىرۋ كەزىندەگى نەگىزگى تولەم – 200 مىڭ تەڭگەنى قۇرايتىن باستاپقى تىركەۋ الىمى. سونىمەن قاتار مەملەكەتتىك نومىرگە 9660 تەڭگە جانە تەحپاسپورت ءۇشىن 4313 مىڭ تەڭگە تولەنەدى. وسىدان كەيىن ءوتىنىش يەسى تىركەۋ قۇجاتتارىن جانە قازاقستاننىڭ مەملەكەتتىك ءنومىرىن الادى. ايتا كەتۋ كەرەك، شەتەلدىك ەسەپكە الىنعان اۆتوكولىكتەردى زاڭداستىرۋ – بۇل ءبىر رەتتىك اكتسيا.

سوڭعى جاڭالىقتار

چەمپيوندار اۋىلدان شىعادى

ايماقتار • بۇگىن، 22:18

ايتماتوۆ ەلىنە ساياحات

تاريح • بۇگىن، 22:09

ناۋەن حازىرەتتىڭ ءمورى

جادىگەر • بۇگىن، 22:06

زاڭعار بيىكتەن كورىندى

تەننيس • بۇگىن، 22:00

قورجىندا قوس جۇلدە

سپورت • بۇگىن، 21:17

مىسىردا مىقتىلىق تانىتتى

سپورت • بۇگىن، 21:17

ەرتەڭ ەكى وبلىستا تۇمان تۇسەدى

اۋا رايى • بۇگىن، 20:36

ۇقساس جاڭالىقتار