ەلەنا بۇل ناتيجەگە اۆستراليادا ءوتىپ جاتقان اشىق چەمپيوناتتىڭ 1/8 فينالىندا الەمنىڭ ۇزدىك تەننيسشىسى يگا شۆەنتەكتى جەڭگەننەن كەيىن قول جەتكىزدى.
ول الەمنىڭ ءبىرىنشى راكەتكاسىن العاش رەت جەڭدى.
«مەن يگانى قاتتى قۇرمەتتەيمىن. ول كەرەمەت وينايدى, بۇگىن دە جاقسى ويىن كورسەتتى. ويىن بارىسىندا سابىرلى بولۋعا تىرىستىم جانە ەموتسيالارىمدى كورسەتپەدىم. تالىمگەر ماعان كەيدە سەزىمدەرىمدى بوساتۋعا كەڭەس بەرەدى, مەن وعان جەتۋ جولىندامىن. بۇگىن ۇلكەن جەڭىسكە جەتتىم, AusOpen شيرەك فينالىنا وتكەنىمە قۋانىشتىمىن», دەپ ەلەنا رىباكينا ويىننان العان اسەرلەرىمەن ءبولىستى.
ەندى قازاقستاننىڭ ءبىرىنشى راكەتكاسىن لاتۆيادان كەلگەن ەلەنا وستاپەنكو جارتىلاي فينالعا شىعۋ جولىندا كۇتىپ تۇر. جەكپە-جەك 24 قاڭتارعا جوسپارلانعان.
