ورتالىق ديرەكتورى ليۋبوۆ زاحاروۆا مەملەكەت باسشىسىنا اكۆاپارك, ورمەلەۋ الاڭى, جازعى لاگەر سەكىلدى جوبالارىن تانىستىردى.
قاسىم-جومارت توقاەۆ ۇزاق جىلدار بويى ءبىلىم بەرۋ جۇيەسىندە ادال ەڭبەك ەتىپ, وسكەلەڭ ۇرپاقتىڭ تاربيەسىنە ەلەۋلى ۇلەس قوسقانى ءۇشىن ليۋبوۆ زاحاروۆانى قازاقستان رەسپۋبليكاسى پرەزيدەنتىنىڭ العىس حاتىمەن جانە «التىن بارىس» توسبەلگىسىمەن ماراپاتتادى.
سونىمەن قاتار قاسىم-جومارت توقاەۆ ورتالىقتا قوستاناي وبلىسىنىڭ بەلسەندى جاستارىمەن اڭگىمەلەستى.
«شىن مانىندە, ءوزىڭنىڭ قارىم-قابىلەتىڭدى كورسەتىپ, حالىقتىڭ يگىلىگىنە جۇمىس ىستەپ, ەل دامۋىنا ۇلەس قوسۋ ءۇشىن ۇلكەن قالادا تۇرۋ شارت ەمەس. ليساكوۆ باسقا مونوقالالارمەن سالىستىرعاندا الدەقايدا تازا, جيناقى ەكەنىن الگىندە ايتتىم. كاسىپپەن, پايدالى ىسپەن اينالىسۋ ارقىلى بۇعان سىزدەر دە زور ۇلەس قوسىپ جۇرسىزدەر. وسىنداي قالالاردى دامىتۋىمىز كەرەك», دەدى پرەزيدەنت.
