دەپارتامەنت مالىمەتىنشە, كۇدىكتى شاي پاكەتتەرىندە تىيىم سالىنعان ەسىرتكىنىڭ بارىن بىلمەگەن. ول زاتتاردى تانىس ەمەس ازاماتتىڭ سۇرانىسى بويىنشا مەكەمەگە الىپ كەلگەن. الايدا بۇل جاعداي ونى جاۋاپكەرشىلىكتەن بوساتپايدى.
كۇدىكتىگە قاتىستى قىلمىستىق تەرىس ارەكەتى ءۇشىن قر قك-ءنىڭ 296-بابى 2-بولىگى بويىنشا جازا قولدانىلادى.
– قانداي دا ءبىر تۇلعالار قىلمىستىق-اتكارۋ جۇيەسى مەكەمەلەرىنىڭ اۋماعىنا ساۋقاتتاردى اپارىپ بەرۋىن وتىنگەن جاعدايدا ازاماتتارعا ساق بولىپ, تانىس ەمەس تۇلعالارعا سەنىم ارتپاۋ كەرەكتىگىن ەسكەرتەمىز. سەبەبى اكەلۋشىنىڭ بەرىلگەن زاتتاردىڭ ىشىندە سوتتالعاندارمەن قولدانۋعا تىيىم سالىنعان قۇرال, بۇيىم, تاعى باسقا زاتتاردىڭ بار ەكەنىن بىلمەگەنى قىلمىستىق جاۋاپكەرشىلىكتەن بوساتپايدى, – دەپ اتاپ ءوتتى استانا كالاسى كاجد باستىعى د. راقىمبەكوۆ.
