يندونەزيانىڭ زاڭدار جانە ادام قۇقىقتارى مينيسترلىگىنىڭ كوشى-قون جونىندەگى باس ديرەكتوراتى 2023 جىلعى 18 قاڭتاردان باستاپ قازاقستان ازاماتتارى اتالعان ۆيزا ءتۇرىن الۋعا قۇقىلى ەلدەر تىزىمىنە ەنگىزدى.
«كەلگەن بويدا بەرىلەتىن ۆيزانى» يندونەزياعا ۇشىپ كەلگەندە اۋەجايدا نەمەسە molina.imigrasi.go.id سايتىندا يندونەزياعا ۇشپاس بۇرىن راسىمدەۋگە بولادى. ول ءۇشىن تومەندەگى قۇجاتتاردىڭ بولۋى تالاپ ەتىلەدى:
- شەكارادان ءوتۋ ساتىندە قولدانىلۋ مەرزىمى كەمىندە 6 ايدى قۇرايتىن پاسپورت;
- كەرى اۋەبيلەت نە ءۇشىنشى ەلگە ۇشۋ ءۇشىن اۋەبيلەت;
- كوروناۆيرۋستىق ينفەكتسياعا قارسى ۆاكتسيناتسيا سەرتيفيكاتى (كەم دەگەندە ەكى دوزا قاجەت), بۇل رەتتە ەكىنشى كومپونەنتپەن ۆاكتسيناتسيالاۋ شەكارانى ناقتى كەسىپ ءوتۋ كۇنىنە دەيىن كەمىندە 14 تاۋلىك بۇرىن جۇرگىزىلگەن بولۋى ءتيىس. بۇل تالاپ 18 جاسقا تولعان تۇلعالارعا قولدانىلادى. 18 جاسقا تولماعاندار ءۇشىن ۆاكتسيناتسيا سەرتيفيكاتىنىڭ بولۋى تالاپ ەتىلمەيدى.
«كەلگەن بويدا بەرىلەتىن ۆيزانىڭ» قۇنى 500 مىڭ يندونەزيالىق رۋپيا (شامامەن 35 اقش دوللارى). ۆيزا اۋەجايدا راسىمدەلگەن جاعدايدا ۆيزالىق الىمدى تولەۋ «Bank Rakyat Indonesia» ۇستەلشەسىنەن جۇزەگە اسىرىلادى (اقش دوللارىمەن دە, يندونەزيالىق رۋپيامەن دە تولەۋگە بولادى).
«كەلگەن بويدا بەرىلەتىن ۆيزا» يندونەزيادا 30 تاۋلىك ىشىندە بولۋعا مۇمكىندىك بەرەدى, ونى تۇرۋ ورنى بويىنشا ورنالاسقان كوشى-قون قىزمەتى بولىمشەسىندە ءدال وسىنداي مەرزىمگە ءبىر رەت ۇزارتۋعا بولادى.
