2 جاسار بالانىڭ ءومىرىن ساقتاپ قالعان پوليتسەي ەرىك اقمولداەۆ – تۇركىستان قالالىق پوليتسيا باسقارماسىنىڭ پاترۋلدىك پوليتسيا باتالونىنىڭ قىزمەت ينسپەكتورى. اتالمىش ەرلىگىمەن كوزگە تۇسكەن پوليتسەيدى وبلىستىق پوليتسيا دەپارتامەنتىنىڭ باستىعى مۇرات قابدەنوۆ قابىلدادى. مىندەتىن ادال اتقارىپ, كىشكەنتاي بالانىڭ ومىرىنە اراشا بولعان پوليتسەي «قازاقستان پوليتسياسىنا 30 جىل» توسبەلگىسىمەن جانە العىس حاتپەن ماراپاتتالدى.
«بالا – ءبىزدىڭ بولاشاعىمىز. وسى ورايدا ءبىزدىڭ ارقايسىمىز ولاردىڭ تىنىش ءومىرى مەن ءتاتتى كۇلكىسى ءۇشىن ءبارىن بەرۋگە دايىنبىز. ال بۇگىنگىنىڭ باتىرى - ەرىك ادام ءومىرى بارىنەن دە ماڭىزدى ەكەنىن ءىس-ارەكەتىمەن دالەلدەدى. جەدەل شەشىم قابىلداپ, وزگەلەرگە ۇلگى بولا ءبىلدى. ءبىز سەنىمەن ماقتانامىز! ارقاشان وسىلاي حالىقتان العىس الىپ, ابىرويىڭ اسقاقتاي بەرسىن», دەپ العىسىن ءبىلدىردى م.قابدەنوۆ.
ەسكە سالساق, بۇل جايت تۇركىستان قالاسىندا بولدى. س.ەرۋباەۆ كوشەسىندە كۇندەلىكتى جۇمىسىن اتقارىپ تۇرعان پوليتسەيدىڭ جانىنا بەلگىسىز ايەل كەلىپ, ۇلىنىڭ اياقاستى اۋىرىپ, تالىپ قالعانىن ايتىپ, كومەكتەسۋىن سۇراعان. مۇنى ەستىگەن پوليتسەي شۇعىل ارەكەت ەتىپ, بالانى امان الىپ قالدى.
