بۇگىن استانادا «اق جول» دەموكراتيالىق پارتياسى ۇلتتىق كەڭەسىنىڭ پلەنۋمى ءوتتى.
پارتيا توراعاسى ازات پەرۋاشەۆتىڭ توراعالىعىمەن وتكەن جيىندا ءماجىلىس دەپۋتاتى ا.ابىلداەۆتىڭ جۋرناليستكە بەرگەن سۇحباتىندا ۋكرايناداعى سوعىس تۋرالى ايتقان پىكىرلەرى سارالانىپ, ءتيىستى ساياسي باعا بەرىلدى.
ۇلتتىق كەڭەس مۇشەلەرى ا.ابىلداەۆتىڭ سوزدەرى «اق جول» پارتياسىنىڭ پوزيتسياسىنا قاراما-قايشى جانە سونىمەن قاتار پارتيالىق, سونداي-اق دەپۋتاتتىق ەتيكانى دا بۇزىپ تۇرعانىنا باسا نازار اۋداردى.
«كەشە پارتيا پرەزيديۋمى حابارلاعانداي, «اق جول» پارتياسى قاشان دا رەسپۋبليكامىزدىڭ جانە باسقا دا دوس مەملەكەتتەردىڭ تاۋەلسىزدىگى مەن جەر تۇتاستىعىن قۇرمەتتەيدى جانە قولدايدى», دەپ جازىلعان «اق جول» دەموكراتيالىق پارتياسىنىڭ ءباسپاسوز قىزمەتى تاراتقان حابارلامادا.
