«الداعى سايلاۋدىڭ زاڭعا سايكەس وتۋىنە, ءادىل ءارى اشىق بولۋىنا قاتاڭ باقىلاۋ جاسالادى. بۇعان ورتالىق سايلاۋ كوميسسياسى جانە باس پروكۋراتۋرا جاۋاپتى.
سايلاۋ ناۋقانىن وتاندىق جانە حالىقارالىق بايقاۋشىلار ءجىتى قاداعالايدى. وسى تۇستا ازاماتتارىمىزدىڭ بايقاۋشى رەتىندە بەلسەندىلىك تانىتۋى ماڭىزدى. زاڭعا ساي بارلىق كانديدات پەن پارتيانىڭ بۇقارالىق اقپارات قۇرالدارىنا شىعۋىنا بىردەي مۇمكىندىك بەرىلەدى», دەدى پرەزيدەنت.
قاسىم-جومارت توقاەۆ وسى سايلاۋ ناۋقانى ەلىمىزدەگى ساياسي مادەنيەتتىڭ جوعارى ەكەنىن ايقىن كورسەتىپ, قوعامىمىزدى ۇيىستىرا تۇسەدى دەگەن سەنىمى بارىن ايتتى.
ء«بىز دامۋدىڭ جاڭا داۋىرىنە قادام باستىق. قازاقستاندا قارقىندى جانە جان-جاقتى جاڭارۋ ۇدەرىسى ءجۇرىپ جاتىر. بۇل سايلاۋ قوعامداعى وزگەرىستەردىڭ كورىنىسى رەتىندە ساياسي جۇيەمىزدىڭ ودان ءارى جاڭعىرۋىنا زور ىقپالىن تيگىزەدى. قازىر الەمدە ءدال وسىنداي اۋقىمدى وزگەرىستەردى قولعا العان مەملەكەتتەر كوپ ەمەس.
ءماجىلىس پەن ءماسليحاتتار سايلاۋى مەملەكەتتىك بيلىك ينستيتۋتتارىن جاڭعىرتۋ جۇمىستارىنىڭ قورىتىندى كەزەڭى بولماق. وسىلايشا, «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتى تولىق ىسكە اسادى», دەدى مەملەكەت باسشىسى.
