بۇل تۋرالى كومپانيا باسشىسى ساتيا نادەللا مالىمدەدى.
ء«بىز ۇلكەن وزگەرىستەر كەزەڭىن باستان وتكەرىپ جاتىرمىز. پاندەميا كەزىندە تۇتىنۋشىلاردىڭ تسيفرلىق شىعىندارى قالاي ارتقانىن كوردىك. ەندىگى كەزەكتە شىعىنداردى ازايتىپ, جاقسى ناتيجەگە قول جەتكىزۋ ءۇشىن تسيفرلىق تەحنولوگيانىڭ تيىمدىلىگىن ارتتىرۋ قاجەتتىلىگى تۋىندايتىن بولادى. سونداي-اق بارلىق سالالار مەن ايماقتارداعى ۇيىمدار الدىن الا ساقتىق شارالارىن ەنگىزىپ جاتىر. ويتكەنى الەمدەگى كەيبىر كومپانيالار رەتسەسسياعا ۇشىراپ جاتقانىن كورىپ وتىرمىز. سوندىقتان ءبىز الەمدەگى ەڭ وزىق مودەلدەردى جاڭا ەسەپتەۋ پلاتفورماسىنا اينالدىرۋدى كوزدەيمىز», دەدى Microsoft باسشىسى ءوز مالىمدەمەسىندە.
قىسقارتىلاتىنداردىڭ سانى كومپانيانىڭ بارلىق قىزمەتكەرلەرىنىڭ 5 پايىزدان ازىن قۇرايدى. كومپانيا وكىلدەرى قىسقارتىلعان جۇمىس ورىندارىنان ۇنەمدەلەتىن 1,2 ميلليارد دوللاردى جابدىقتاردى اۋىستىرۋعا جانە جاڭا كەڭسەلەردى جالعا الۋعا جۇمسايتىنىن ايتتى.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
