وبلىس اكىمى دارحان ساتىبالدى اپپاراتتىق كەڭەستە جاڭا ورىنباسارىن تانىستىردى. نۇرالحان كوشەروۆ بۇل قىزمەتكە ارمان سابيتوۆتىڭ ورنىنا كەلدى, ول باسقا جۇمىسقا اۋىسۋىنا بايلانىستى قىزمەتىنەن بوساتىلدى.
نۇرالحان كوشەروۆ 1984 جىلى شىمكەنت قالاسىندا دۇنيەگە كەلگەن. جوعارى ءبىلىمى بار. م.اۋەزوۆ اتىنداعى وڭتۇستىك-قازاقستان مەملەكەتتىك ۋنيۆەرسيتەتى, قازاق گۋمانيتارلىق زاڭ ۋنيۆەرسيتەتى, ماسكەۋدەگى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسى» جوعارى ءبىلىم بەرەتىن مەملەكەتتىك بيۋدجەتتىك ءبىلىم بەرۋ مەكەمەسىن تامامداعان. ماماندىقتارى – ەكونوميست, قارجى جانە نەسيە, قۇقىقتانۋ.
ەڭبەك جولىن 2008 جىلى قر پارلامەنتى ءماجىلىسى دەپۋتاتىنىڭ كومەكشىسى بولىپ باستاعان. 2009-2011 جىلدارى قارجى مينيسترلىگىنىڭ سالىق كوميتەتىندە تالداۋشى, استانا قالاسى سالىق دەپارتامەنتىنىڭ المالى اۋدانى بويىنشا سالىق باسقارماسىنىڭ زاڭدى تۇلعالاردىڭ سالىق ءاۋديتى ءبولىمىنىڭ باس مامانى بولىپ جۇمىس ىستەگەن. 2010-2014 جىلدار ارالىعىندا استانا قالاسىنىڭ سالىق دەپارتامەنتى ەسىل اۋدانىنىڭ سالىق باسقارماسى باستىعىنىڭ ورىنباسارى قىزمەتىن اتقاردى.
2014 جىلدان 2015 جىلعا دەيىن استانا قالاسى ەسىل اۋدانى بويىنشا مەملەكەتتىك كىرىستەر باسقارماسىنىڭ باستىعى, قارجى مينيسترلىگى سالىق كوميتەتىنىڭ استانا قالاسى بويىنشا سالىق دەپارتامەنتى باسشىسىنىڭ ورىنباسارى بولدى.
2015-2018 جىلدارى شىمكەنت قالاسى اكىمىنىڭ ورىنباسارى قىزمەتىن اتقارعان.
2018-2021 جىلدارى قر قارجى مينيسترلىگىنىڭ مەملەكەتتىك كىرىستەر كوميتەتى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ اقتاۋ قالاسى بويىنشا مەملەكەتتىك كىرىستەر باسقارماسىنىڭ باسشىسى, قر قارجى مينيسترىگىنىڭ مەملەكەتتىك كىرىستەر كوميتەتى شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى لاۋىزىمىن اتقارعان.
2021 جىلدان بەرى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقارىپ كەلدى.
