سەناتتا ماينەرلەر قىزمەتى تۋرالى زاڭ تالقىلاندى

قۇجاتتىڭ ماقساتى – قازاقستاندا تسيفرلىق اكتيۆتەر مەن تسيفرلىق ماينينگتى شىعارۋ جانە اينالىمى جونىندەگى قىزمەتتى دامىتۋ ءۇشىن قۇقىقتىق بازا قۇرۋ.

سەناتورلاردىڭ پايىمداۋىنشا، «قازاقستان رەسپۋبليكاسىنداعى تسيفرلىق اكتيۆتەر تۋرالى» زاڭ تسيفرلىق اكتيۆتەردىڭ قىزمەتىن ليتسەنزيالاۋدى كوزدەيدى جانە ماينينگ پۋلدارىنىڭ جۇمىسىنا ىقپال ەتەدى. زاڭدا سالىق سالۋ ماقساتىندا تسيفرلىق ماينەرلەر مەن پۋلداردىڭ كىرىستەرى تۋرالى مالىمەتتەردى ۇسىنۋعا قاتىستى ەرەجەلەر كورسەتىلگەن.

زاڭداعى ماڭىزدى جاڭالىقتاردىڭ ءبىرى – ماينەرلەر تسيفرلىق بيرجالاردىڭ قىزمەتىن بەلگىلى تۇردە رەگلامەنتتەيتىن بولادى، ال مەملەكەت ءوز كەزەگىندە وسى سالانى باقىلاۋعا الا الادى.

دەپۋتاتتار زاڭ تسيفرلىق اكتيۆتەردىڭ زاڭدى نارىعىن قالىپتاستىرۋعا، تۇتاستاي العاندا ەل ەكونوميكاسىنىڭ دامۋىنا ۇلەس قوساتىن شەتەلدىك ينۆەستيتسيانى تارتۋعا، سونداي-اق مەملەكەتتىك بيۋدجەتكە تۇسەتىن تۇسىمدەردى ۇلعايتۋعا مۇمكىندىك بەرەدى دەپ سانايدى.

سەناتورلار قولدانىستاعى زاڭناماعا وزگەرىستەر مەن تولىقتىرۋلار ەنگىزۋدى كوزدەيتىن بىرقاتار ىلەسپە زاڭداردى دا قارادى. سونىڭ ىشىندە تسيفرلىق اكتيۆتەر، اقپاراتتاندىرۋ جانە سوت اكىمشىلىگى ماسەلەلەرى بويىنشا زاڭنامالىق اكتىلەرگە، اكىمشىلىك قۇقىق بۇزۋشىلىق تۋرالى كودەكسكە، سالىق كودەكسى مەن ونى قولدانىسقا ەنگىزۋ تۋرالى زاڭعا تۇزەتۋلەر سياقتى ماسەلەلەر تالقىلاندى.