عىلىم جانە جوعارى ءبىلىم مينيسترلىگىنىڭ حابارلاۋىنشا, قۇجات قابىلداۋدى «حالىقارالىق باعدارلامالار ورتالىعى» اق جۇرگىزەدى.
«بيىل تاعىلىمدامادان وتۋشىلەرگە قويىلاتىن تالاپتار كۇشەيتىلدى. ەندى ولار كونكۋرسقا قاتىسۋ ءۇشىن شەت ءتىلى بويىنشا ەمتيحان تاپسىرعانى تۋرالى سەرتيفيكات ۇسىنادى. بۇل «بولاشاق» ستيپەندياسىن تاعايىنداۋ كونكۋرسىن جەتىلدىرۋگە مۇمكىندىك بەرەدى. سونىمەن قاتار ۇمىتكەرلەردىڭ جالپى جۇمىس ءوتىلى ءۇش جىلدان كەم بولماۋى كەرەك. سوڭعى 12 ايدا تاڭداعان ماماندىعى بويىنشا جۇمىس ىستەۋگە ءتيىس. سونداي-اق قابىلداۋشى شەتەلدىك ۇيىمنان شاقىرۋ جانە كەمىندە ۆ1 دەڭگەيىندەگى مەملەكەتتىك تىلدەن ەمتيحان تاپسىرعانى تۋرالى سەرتيفيكات تالاپ ەتىلەدى», دەپ حابارلادى حالىقارالىق ىنتىماقتاستىق دەپارتامەنتىنىڭ ديرەكتورى ءلاززات ءادىلوۆا.
بيىل «بولاشاق» باعدارلاماسىنىڭ باسىم ماماندىقتار ءتىزىمى تاعىلىمدامادان وتۋگە ارنالعان 162 ماماندىقتى كوزدەيدى. 2023 جىلى تىزىمگە «بۇلتتى سەرۆيستەر», «عارىش جۇيەلەرى مەن ينجەنەريا», «گيدروگەولوگيا», «پرەتسيزيوندى مەديتسينا», «تەستولوگيا» جانە باسقا دا سۇرانىسقا يە ماماندىقتار ەنگىزىلدى.
ايتا كەتەيىك, «بولاشاق» باعدارلاماسى اياسىندا شەتەلگە تاعىلىمداماعا جىبەرىلەتىن ستيپەندياتتار كەپىلگە م ۇلىك قويمايدى. مىندەتتەمەلەردى ورىنداۋ ءۇشىن ەكى گارانت ۇسىنۋ عانا جەتكىلىكتى. سوڭعى 12 ايدا تۇراقتى تابىسى بار, جاسى 50-گە تولماعان قر ازاماتى ۇمىتكەرگە گارانت بولا الادى.
