كارديولوگيا جانە ىشكى اۋرۋلار عىلىمي زەرتتەۋ ينستيتۋتىندا بىرەگەي اپپارات – ميوكاردتىڭ پەرفۋزيالىق ستسينتيگرافياسىن جۇرگىزۋگە جانە جۇرەكتىڭ قاي اۋماقتارى جەتكىلىكتى قانمەن جانە قايسىسى ناشار قانمەن قامتاماسىز ەتىلەتىنىن كورۋگە مۇمكىندىك بەرەتىن گامما-كامەرا جۇمىس ىستەيدى. ميوكارد پەرفۋزيالىق ستسينتيگرافياسى – جۇرەكتىڭ يشەميالىق اۋرۋىن دياگنوستيكالاۋدىڭ, جۇرەك بۇلشىق ەتىنىڭ كۇيىن جانە تىنىشتىق پەن جۇكتەمە كەزىندە كورونارلىق تامىرلاردىڭ فۋنكتسيونالدىعىن انىقتاۋدىڭ بىرەگەي ءينۆازيۆتى ەمەس ءادىسى. بۇل ءادىس ميوكارد يشەمياسى سياقتى قاۋىپتى جاعدايدى انىقتاۋ ءۇشىن قاۋىپسىز جانە ءتيىمدى. ينفاركت قاۋپىن باعالاۋ جانە جۇرەكتىڭ بۇلشىق ەت ءتىنىنىڭ قانشا بولىگى ينفاركتتان كەيىنگى تىرتىقپەن اۋىستىرىلعانىن انىقتاۋ قاجەت بولعان جاعدايدا, ستسينتيگرافيا وتە قاجەت.
زەرتتەۋدى گامما-كامەرادا جۇرگىزۋ ءۇشىن پاتسيەنتكە الدىن الا راديواكتيۆتى فارماتسەۆتيكا ەنگىزىلەدى. بۇل جۇرەك اۋماعىن جانە ميوكاردتىڭ قانىعۋ كورىنىسىن كورۋگە مۇمكىندىك بەرەدى. راديو فارماتسەۆتيكا شامالى ساۋلە شىعاراتىندىقتان پاتسيەنت وسىنداي دوزانى ادەتتەگى رەنتگەندىك زەرتتەۋ ارقىلى الادى.
ايتا كەتۋ كەرەك, راديو-لوگيالىق ەمدە قولدانىلاتىن زاماناۋي پرەپاراتتار (99 متس) جۇمساق اسەرگە يە, باسقا ءدارى-دارمەكتەرمەن ءوزارا ارەكەتتەسپەيدى جانە اللەرگيالىق رەاكتسيالار تۋدىرمايدى. راديويزوتوپتىق ءادىس زەرتتەۋگە دايىندىق كەزىندە ادەتتەگى ءومىر سالتىن بۇزباۋعا, پرەپاراتتاردى اعزادان تابيعي جولمەن تەز شىعارۋعا مۇمكىندىك بەرەدى. ەمنەن كەيىن جارتى كۇننىڭ ىشىندە دەنەدە راديوفارماتسەۆتيكالىق پرەپارات قالمايدى. قاجەت بولسا, ەم-دومدى قىسقا ۋاقىتتان كەيىن جۇرگىزۋگە بولادى. ميوكاردتىڭ پەرفۋزيالىق ستسينتيگرافياسى ارقىلى وپەراتسيا الدىنداعى جانە وپەراتسيادان كەيىنگى كەزەڭدە جۇرەكتىڭ يشەميالىق اۋرۋى مەن ميوكارد جاعدايىن دياگنوستيكالاۋ ەمدەۋ مەن جۇرەككە جاسالاتىن وپەراتسيالاردىڭ ساپاسىن ارتتىرۋعا ىقپال ەتەدى.
بىلتىر كىاعزي كلينيكاسىندا 300-دەن اسا ستسينتيگرافيا وتكىزىلگەن.
