شقو پد ءباسپاسوز قىزمەتىنىڭ مالىمەتىنشە, 39 جاستاعى كۇدىكتىدەن بارلىعى 28 كەلىدەن استام تىيىم سالىنعان زاتتار تاركىلەنگەن. كەيىن ەر ادامنىڭ مەملەكەتارالىق ىزدەۋدە جۇرگەنى انىقتالعان.
«كۇدىكتىنىڭ تۇرعىلىقتى جەرىنە ءتىنتۋ جۇرگىزۋ كەزىندە پوليتسەيلەر سپەتسيفيكالىق ءيىسى بار قوڭىر-جاسىل ءتۇستى وسىمدىك تەكتەس زات سالىنعان 790 پوليەتيلەن ورامانى تاپقان. ساراپتاما قورىتىندىسىنا سايكەس كۇدىكتى ءوز پاتەرىندە 28 كيلوگرامنان استام كەپتىرىلگەن ماريحۋانانى ساقتاعانى بەلگىلى بولدى. قازىر ول ۋاقىتشا ۇستاۋ يزولياتورىنا قامالدى. تەرگەۋ شارالارى جالعاسىپ جاتىر», دەلىنگەن حابارلامادا.
اتالعان فاكتى بويىنشا قر قك-ءنىڭ 297-بابى 3-بولىگىمەن سوتقا دەيىنگى تەرگەۋ ءجۇرىپ جاتىر. ەر ادامدى مۇلكىن تاركىلەي وتىرىپ ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى كۇتىپ تۇر.
