«قازاقستان رەسپۋبليكاسى پرەزيدەنتىنىڭ اكىمشىلىگىمەن جانە اۋداندىق ماسليحاتپەن كەلىسە وتىرىپ, الماتى وبلىسى اكىمىنىڭ وكىمىمەن تاڭات ەسەنكەلدى ۇلى ايداربەكوۆ تالعار اۋدانىنىڭ اكىمى بولىپ تاعايىندالدى», دەپ جازىلعان الماتى وبلىسى ءباسپاسوز قىزمەتىنىڭ حابارلاماسىندا.
ايماق باسشىسى مارات سۇلتانعازيەۆ وبلىس اكتيۆىنە جاڭا اكىمدى تانىستىرىپ, اۋدان اكىمدىگىنىڭ الدىندا تۇرعان ءبىرىنشى كەزەكتەگى مىندەتتەر مەن باسىم ماقساتتارعا توقتالدى.
وبلىس اكىمىنىڭ ايتۋىنشا, وبلىس ەكونوميكاسىنا ينۆەستيتسيا تارتۋ, حالىقتى ساپالى اۋىز سۋمەن قامتاماسىز ەتۋ, قۇرىلىس جۇمىستارىنىڭ ساپاسى مەن نىسانداردىڭ ۋاقتىلى پايدالانۋعا بەرىلۋىن باقىلاۋ جۇمىستارىن كۇشەيتۋ, قۇرىلىس جۇمىستارىن جالعاستىرۋ قاجەت.
تاڭات ەسەنكەلدى ۇلى ايداربەكوۆ 1971 جىلى دۇنيەگە كەلگەن. 1996 جىلى قازاق مەملەكەتتىك اگرارلىق ۋنيۆەرسيتەتىن ەكونوميست-بۋحگالتەر ماماندىعى بويىنشا بىتىرگەن. 2017 جىلى قازاقستان حالىقتار دوستىعى ينجەنەرلىك-پەداگوگيكالىق ۋنيۆەرسيتەتىندە «زاڭ باكالاۆرى» ماماندىعىن يگەردى.
ەڭبەك جولىن 1996 جىلى «قۋانىش» اكتسيونەرلىك قوعامىندا ەسەپشى بولىپ باستاعان. وسى جىلدارى الماتى قالاسى اۋەزوۆ اۋدانى اكىمى اپپاراتىنىڭ ەكونوميكا ءبولىمىنىڭ باس مامانى, تۇركسىب اۋدانى اكىمى اپپاراتىنىڭ ءبولىم مەڭگەرۋشىسى, تۇركسىب اۋدانى اكىمىنىڭ ورىنباسارى قىزمەتتەرىن اتقاردى. بوستاندىق اۋدانى اكىمىنىڭ ورىنباسارى, الماتى وبلىسى كەربۇلاق اۋدانى اكىمىنىڭ ورىنباسارى, الماتى وبلىسى بويىنشا قازىناشىلىق باسقارماسىنىڭ باسشىسى قىزمەتتەرىندە بولعان.
2021 جىلدىڭ ماۋسىم ايىنان باستاپ الماتى قالاسى بويىنشا قازىناشىلىق دەپارتامەنتىنىڭ باسشىسى قىزمەتىن اتقارعان
