عارىش سالاسى وتە كۇردەلى تەحنيكالىق جابدىقتاردى جانە قوماقتى قارجىنى تالاپ ەتەدى.
NASA-نىڭ ايعا ورالۋى «ارتەميس» باعدارلاماسىنان باستالعان. باعدارلاما بويىنشا العا قويىلعان ءۇش ماقساتتىڭ ءبىرىنشىسى ءساتتى جۇزەگە اسقان. ول ۇشقىشسىز ۇشۋ ارقىلى راكەتالار مەن تەحنولوگيالاردىڭ جۇمىسىن تەكسەرۋ. ەكىنشى ماقسات ادامداردى عارىش ايلاعىنان الىسىراق ۇشىرۋ بولسا, ءۇشىنشىسى - عارىشكەرلەردى ايعا ءبىر اپتاعا جىبەرىپ, زەرتتەۋ ەكسپەريمەنتتەرىن وتكىزۋ. ال ايدى زەرتتەۋدەگى باستى ماقسات - ونى مارسقا ۇشاتىن ايلاق ەتۋ.
«باعدارلاما 93 ميلليون دوللاردى قاجەت ەتەدى. بىراق بۇل ەكونوميكالىق قيىندىقتاردى باستان كەشىپ جاتقان امەريكالىق سالىق تولەۋشىلەردىڭ قالتاسىنا اۋىر تيەدى. وتكەن جىلى كونگرەسكە بەرگەن ەسەبىندە اقش-تىڭ باس اۋديتورلىق كەڭسەسى NASA-نىڭ جوسپارى شىندىققا جاناسپايدى ءارى ارتىق شىعىنى كوپ دەپ ەسكەرتىپ, شىعىنداردى نەعۇرلىم سەنىمدى ءارى اشىق ەتۋى كەرەك ەكەنىن ايتتى. الايدا, بيىل NASA سۇراعانىنان ازىراق قارجىلاندىرىلسا دا, قونگرەسس ونىڭ عارىشتاعى زەرتتەۋ جوبالارىنا بۇرىڭعىداي قولداۋ كورسەتەدى», دەپ جازدى زەرتتەۋشىلەر
ال قىتاي ءوزىنىڭ تولىق جۇمىس ىستەپ تۇرعان «تيانگۋن» عارىش ستانتسياسىن گرافيككە سايكەس وربيتاعا شىعارىپ ۇلگەرگەن. قىتايدىڭ عارىشتىق باعدارلاماسى اي مەن مارسقا زەرتتەۋ شولعىلارىن ۇشىرعان ەدى. ولار 2025 جىلعا قاراي ايدا ۇشقىشسىز زەرتتەۋ ستانتسياسىن قۇرۋدى جوسپارلاپ وتىر.
«عارىشكەرلەر ايعا ۇشۋدى يگەردى. عارىشتاعى ەندىگى قادام – مارس. ول ايدان 250 ەسە الىس ورنالاسقان جانە وعان ۇشا الاتىن عارىش كەمەسى جوق. عالىمدار زىمىراندى كوپ وتىنمەن ۇشىرۋدىڭ ءارى پلانەتاعا قونۋدىڭ قاۋىپسىز ءادىسىن تاپسا دا, عارىشكەرلەردى امان-ەمەن كەرى قايتارۋ ماسەلەسىن شەشە الماي وتىر», دەپ قورىتىندىلادى كەيت ستيۆەنس پەن پاللاب گوش.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
