ۆەدومستۆونىڭ مالىمەتىنشە, 48 اپپاراتتىق-باعدارلامالىق جۇيە قالانىڭ جول قاۋىپسىزدىگىن قامتاماسىز ەتەدى (35-ءى جەلىلىك ۋچاسكەلەردە جانە 13-ءى جول قيىلىسىندا).
جۇيە جىلدامدىقتى شەكتەن اسىرۋ, تىيىم سالىنعان باعدارشاممەن ءجۇرۋ, جول بەلگىلەرىن بۇزۋ سياقتى جول قوزعالىسى ەرەجەلەرىن بۇزۋدى تىركەيدى. جول قوزعالىسى ەرەجەلەرىن بۇزۋدى ەسەپكە الۋ اۆتوماتتى تۇردە جۇرەدى. بارلىق قۇقىق بۇزۋشىلىقتار قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ اكىمشىلىك ءىس جۇرگىزۋدىڭ بىرىڭعاي تىزىلىمىنە اۆتوماتتى تۇردە تىركەلەدى.
«اپپاراتتىق-باعدارلامالىق جۇيەلەرمەن تىركەلگەن قۇقىق بۇزۋشىلىقتارمەن كەلىسپەگەن جاعدايدا جامبىل وبلىسىنىڭ پوليتسيا دەپارتامەنتىنە نەمەسە بۇيرىقتا كورسەتىلگەن تەلەفون نومىرىنە حابارلاسۋعا بولادى», دەپ حابارلادى وبلىستىق ءباسپاسوز قىزمەتىنەن.
ايتا كەتەيىك, «سەرگەك» زياتكەرلىك قوعامدىق جانە جول قاۋىپسىزدىگى جۇيەسى تارازدا 2022 جىلدىڭ 1 جەلتوقسانىندا تەستىلىك رەجيمدە ىسكە قوسىلعان.
