بۇل تۋرالى وبلىس اكىمى اسايىن بايحانوۆ ءوزىنىڭ Instagram پاراقشاسىندا جازدى.
- كەشە اقسۋ قالاسىنا بارىپ, ەلەكتر ستانتسياسى مەن فەرروقورىتپا زاۋىتىنىڭ جۇمىسىمەن تانىستىم. بارلىعى 10 000-نان استام ادام ەڭبەك ەتەتىن كاسىپورىندار بەلسەندى جۇمىس ىستەپ, دامىپ كەلەدى. سونىمەن قاتار, كۇردەلى جوندەۋدى قاجەت ەتەتىن قالالىق اۋرۋحانانى قاراپ شىقتىم. دەنساۋلىق ساقتاۋ باسقارماسى ەمدەۋ مەكەمەسىنە اۋدانارالىق مارتەبە بەرۋ مۇمكىندىگىن قاراستىرىپ جاتىر. بۇل شارا اۋرۋحانانى رەسپۋبليكالىق بيۋدجەت ەسەبىنەن جاراقتاندىرۋعا مۇمكىندىك بەرەدى. ۇسىنىستى قولدادىم, قۇجاتتاردى ءتيىستى مينيسترلىككە جىبەرەمىز, - دەدى ايماق باسشىسى.
سونىمەن قاتار, اقسۋ قالاسىن دامىتۋ جونىندەگى كەڭەستە حالىقتىڭ جاڭا تۇرعىن ۇيلەردىڭ تاپشىلىعى مەن ساپاسىنا, جەر ۋچاسكەلەرىن بولۋگە, اباتتاندىرۋعا قاتىستى ءجيى تۇسەتىن شاعىمدارى جايىندا ءسوز بولدى.
- جاڭا قازاندىقتى ىسكە قوسۋ ماسەلەسى جەكە قارالدى. كوپ ينۆەستيتسيا قۇيىلعان, بىراق ءالى دە ىسكە اسپاعان جوبانى زەرتتەۋدى تاپسىردىم. اقسۋ قالاسىنىڭ اكىمدىگى بارلىق ينجەنەرلىك كوممۋنيكاتسيالارعا الدىن الا تەكسەرۋ جۇرگىزە وتىرىپ, ماگيسترالدىق جانە جىلۋ تاراتۋ جەلىلەرىن قايتا جاڭارتۋعا كىرىسەدى, - دەپ قورىتىندىلادى اسايىن بايحانوۆ.
