بيىلعى 10 قاڭتاردا قىزمەتتىك يت شۋ ستانتسياسىندا الماتى وبلىسىنىڭ تۇرعىنىن تەكسەرۋ كەزىندە ەسىرتكى زاتىن تاپتى. ونىڭ سومكەسىنەن جالپى سالماعى 12 كەلى 480 گرامم «ماريحۋانا» ەسىرتكى زاتى تابىلىپ, تاركىلەندى. بۇل تۋرالى كولىكتەگى پوليتسيا دەپارتامەنتىنىڭ باستىعى باقىتجان مالىباەۆ ايتتى.
«اتالعان فاكتى بويىنشا قر قىلمىستىق كودەكسىنىڭ 296 - بابى 4-بولىگى, ياعني ەسىرتكى قۇرالدارىن اسا ءىرى مولشەردە زاڭسىز ساقتاۋ بويىنشا سوتقا دەيىنگى تەرگەپ-تەكسەرۋدى باستادى», دەدى ب. مالىباەۆ.
كۇدىكتى شۋ اۋدانىندا جابايى قاراسورا جيناپ, ولاردى الماتى قالاسىنا تەمىر جول كولىگىمەن تاسىمالداۋدى جوسپارلاعانى انىقتالدى.
«قازىرگى ۋاقىتتا ۇستالعان ازامات پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى, تەرگەۋ جۇرگىزىلۋدە», دەپ تۇيىندەدى ءسوزىن پوليتسيا پولكوۆنيگى.
