2023 جىلى كرەششەنيە مەرەكەسى ءراسىمى 18-19 قاڭتاردا استانا قالاسىنىڭ بارلىق پراۆوسلاۆيە شىركەۋلەرىندە وتەدى. ولار: ۋسپەن كافەدرالدى سوبورى (كۇيشى دينا كوشەسى, 27), كونستانتين-ەلەنين شىركەۋى (رەسپۋبليكا داڭعىلى, 12), سەرافيم ساروۆتىڭ شىركەۋى (بوگەنباي باتىر داڭعىلى, 8).
جاپپاي شومىلۋعا ارنالعان ويىقتار ەسىل وزەڭىنىڭ وڭ جاعالاۋىنداعى, م. وتەمىسوۆا اتىنداعى وقۋشىلار سارايى اۋدانىندا, «گراند الاتاۋ» تك جانە سول جاعالاۋداعى «استانا» ساياباعىنىڭ جاعالاۋىندا (امفيتەاتر مەن Regis Astana قوناق ءۇيىنىڭ جانىندا) ورناتىلادى.
شومىلاتىن ورىندار 18 قاڭتار ساعات 19:30-دان باستاپ 19 قاڭتار 2:00-گە دەيىن قولجەتىمدى بولادى. سونداي-اق جاپپاي شومىلۋ 19 قاڭتار تاڭعى 8:00-دەن 20 قاڭتار ساعات 02:00-گە دەيىن جالعاسادى.
ءدىني ءراسىم بارىسىندا استانا قالاسىنىڭ توتەنشە جاعدايلار دەپارتامەنتى سۋدا قۇتقارۋ قىزمەتى جانە پوليتسيا دەپارتامەنتىنىڭ قىزمەتكەرلەرى تۇرعىنداردىڭ قاۋىپسىزدىگىن قامتاماسىز ەتەدى. بۇل كۇنى شومىلۋ ورىندارىندا جەدەل جاردەم بريگادالارى كەزەكشىلىك ەتەدى.
