ءىس-شاراعا مادەنيەت جانە سپورت ءمينيسترى اسحات ورالوۆ, زيالى قاۋىم وكىلدەرى, اتاپ ايتقاندا ولجاس سۇلەيمەنوۆ, سماعۇل ەلۋباي, تورەگەلدى شارمانوۆ, باقىتجان قاناپيانوۆ, اقىن-جازۋشىلار مەن مەملەكەت جانە قوعام قايراتكەرلەرى قاتىستى.
مينيستر مۇرات اۋەزوۆتى مەرەيتويىمەن قۇتتىقتاي وتىرىپ, ۇلت ابىزدارىنىڭ عۇمىر جولى جاس ۇرپاق ءۇشىن قاشاندا ۇلگى-ونەگە ەكەنىن اتاپ ءوتتى.
ء«وزىڭىز سياقتى زامانا تۋدىرعان زاڭعارلارىمىز كوپ ەمەس. سىزدەردىڭ ونەگەلى ءومىر جولدارىڭىز وسكەلەڭ جاس بۋىنعا قاشاندا تەمىرقازىق بولۋى قاجەت. ەگەمەن ەلدىڭ ەڭسەسىن تىكتەپ, تاۋەلسىزدىككە تۇعىر بولدىڭىز. ءبىز ءوز كەزەگىمىزدە, سىزدەر سالعان سول تاعىلىمدى تانىم جولىمەن جارقىن بولاشاققا ايقىن باعىت ۇستانۋىمىز كەرەك. ءالى دە شىعارماشىلىعىڭىزدان قول ۇزبەي, سۇبەلى دە سۇيەكتى ەڭبەكتەرىڭىزبەن حالىق قازىناسىن مولايتا بەرىڭىز», دەدى اسحات ورالوۆ قۇتتىقتاۋ سوزىندە.
كەزدەسۋ اياسىندا كەلگەن قوناقتار مەرەيتوي يەسىنە جىلى لەبىزدەرىن ءبىلدىرىپ, سىي-سىياپاتتارىن تابىستادى. سونداي-اق قر ۇلتتىق كىتاپحاناسى قورىنان مۇرات اۋەزوۆتىڭ قىزمەتى مەن شىعارماشىلىعىنا ارنالعان «وتكىردىڭ ءجۇزى» اتتى كىتاپ كورمەسى ۇيىمداستىرىلدى.
