پوليتسەيلەردىڭ حابارلاۋىنشا, «تەكتۇرماس» كەشەنىنىڭ اۋماعىندا قاڭتار وقيعاسى كەزىندە وبلىستىق پوليتسيا دەپارتامەنتىنىڭ عيماراتىنان ۇرلانعان تاپانشا تابىلىپ, تاركىلەنگەن.
سونداي-اق 9 مم كاليبرلى 5 جاۋىنگەرلىك پاترونى بار «پم» ماركالى تاپانشانىڭ وقجاتارى تابىلدى.
سول كۇنى نيەتقاليەۆ كوشەسىندەگى قۇرىلىسى اياقتالماعان عيماراتتىڭ جەرتولەسىندە 5 قاڭتاردا الماتىداعى قارۋ-جاراق دۇكەنىنەن ۇرلانعان 7,62 مم كاليبرلى «Benelli SAT 13299» مىلتىق كارابينى تابىلدى.
قارۋ-جاراق پەن وق-دارىلەردىڭ اراسىندا بەلگىسىز ماركالى گاز رەۆولۆەرى, 5,45 مم كاليبرلى 43 پاترون, 7,62 مم كاليبرلى 17 پاترون, ساقتاندىرعىشى بار جارىق-شۋ گراناتاسى, 5 قول گاز گراناتاسى بولدى.
»ەكى فاكت بويىنشا سوت-بالليستيكالىق ساراپتاما تاعايىندالدى. قازىرگى ۋاقىتتا قر قك 287-بابىنىڭ 3-بولىگى بويىنشا «قارۋدى, وق-دارىلەردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەۋ باستالدى. قاڭتارداعى تارتىپسىزدىكتەر كەزىندە ۇرلانعان قارۋدى ىزدەۋ جۇمىستارى جالعاسىپ جاتىر», دەدى وبلىستىق پد جپب باستىعى ءالىم باجىقباەۆ.
