الەمنىڭ 50 ەلىنەن ستۋدەنتتەر قاتىسىپ جاتقان سپورتتىق جارىس اقش-تىڭ لەيك-پلەسيد قالاسىندا ءوتىپ جاتىر.
جارىس الدىندا مينيستر ساياسات نۇربەك جاس سپورتشىلارعا ساتتىلىك تىلەدى.
«سپورتتاعى ساتتىلىك تەك ەڭبەكپەن جانە كۇش-جىگەرمەن بىرگە كەلەدى. سوندىقتان سىزدەرگە شىدامدىلىق, ىشكى شابىت جانە جەڭىسكە دەگەن مىزعىماس سەنىمدىلىك تىلەيمىن. ءبىزدىڭ قۇراما ەلىمىزدىڭ نامىسىن لايىقتى تۇردە قورعاي الاتىنىنا سەنىمدىمىن», دەپ اتاپ ءوتتى مينيستر.
بۇگىن قىسقى ۋنيۆەرسيادادا العاشقىلاردىڭ ءبىرى بولىپ قازاقستاننىڭ حوككەيدەن ەرلەر قۇراماسى وينادى. وڭتۇستىك كورەيا قۇراماسىنا قارسى باستاپقى ماتچتا ءبىزدىڭ حوككەيشىلەر 5:1 ەسەبىمەن جەڭىسكە جەتتى. قازاقستان قۇراماسىنىڭ قۇرامىندا الديار نۇرلان, ماكسيم مۋسوروۆ, كيريلل پولوحوۆ جانە ماكسيم مۇحامەتوۆ شايبا سالدى. حوككەي قۇراماسى قازاق سپورت جانە تۋريزم اكادەمياسىنىڭ ستۋدەنتتەرىنەن تۇرادى. قازاقستاندىقتار ۆ توبىندا ونەر كورسەتەدى, وندا ۇلىبريتانيا, ماجارستان, سلوۆاكيا جانە اقش كوماندالارىنا قارسى وينايدى.
ەسكە سالساق, قازاقستان نامىسىن سپورتتىڭ ون تۇرىنەن 78 سپورتشى قورعايدى. ستۋدەنتتەر بياتلون, سنوۋبورد, شاڭعى, تاۋ شاڭعىسى, شورت-ترەك, مانەرلەپ سىرعاناۋ, شاڭعى قوسسايىسى, كونكي, شاڭعىمەن ترامپليننەن سەكىرۋ جانە شايبالى حوككەي سەكىلدى سپورت تۇرلەرىنەن باق سىنايدى.
