ۋاكىلەتتى ادام ءوز قىزمەتىن حالىقتىڭ الەۋمەتتىك وسال ساناتتارىنىڭ قۇقىقتارى مەن زاڭدى مۇددەلەرىنىڭ كەپىلدىگىن قامتاماسىز ەتۋ, سونداي-اق مەملەكەتتىك جانە قوعامدىق ينستيتۋتتارمەن ءوزارا ءىس-قيمىلدا ولاردىڭ بۇزىلعان قۇقىقتارى مەن بوستاندىقتارىن قالپىنا كەلتىرۋ ماقساتىندا قوعامدىق نەگىزدە جۇزەگە اسىرۋى ءتيىس.
ۋاكىلدىڭ نەگىزگى ماقساتى - حالىقتىڭ الەۋمەتتىك وسال ساناتتارىنىڭ قۇقىقتارى مەن زاڭدى مۇددەلەرىنىڭ كەپىلدىكتەرىن قامتاماسىز ەتۋ, ولارعا كەلەسى ساناتتار جاتادى:
- ۇلى وتان سوعىسىنىڭ ارداگەرلەرى;
- جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر;
- باسقا مەملەكەتتەردە تۇراتىن سوعىس ارداگەرلەرى;
- مۇگەدەكتىگى بار ادامدار;
- مۇگەدەك بالالارى بار وتباسىلار;
- اتاۋلى الەۋمەتتىك كومەك الۋشىلار;
- اسىراۋشىسىنان ايىرىلۋ بويىنشا جاردەماقى الۋشىلار;
- جاسى بويىنشا زەينەتكەرلەر;
- قانداستار;
- «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ناگرادتالعان كوپبالالى انالار, كوپبالالى وتباسىلار.
قۇجات 27 قاڭتارعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.
