ءبىر جىلدا ماڭعىستاۋ وبلىسىندا ەت ونىمدەرى بىردەن 22,6%-عا قىمباتتادى. انتيكوشباسشىلار قاتارىنا پاۆلودار (21,7%) مەن سولتۇستىك قازاقستان (21,5%) وبلىستارى دا ەندى. ەڭ تومەنگى جىلدىق باعا ءوسىمى ۇلىتاۋ وبلىسىندا بايقالدى - 9,7%.
جىلدىق ديناميكادا ەت پەن قۇس ەتى 15,4%-عا, شۇجىق - 22,2%-عا, ەت ونىمدەرى - 15,9%-عا قىمباتتادى. ەت ونىمدەرىنىڭ ىشىندە قۇس ەتى ءبىر جىلدا 29,4%-عا, جىلقى ەتى - 16,7%-عا, شوشقا ەتى - 14,3%-عا, قوي ەتى - 12,9%-عا, سيىر ەتى - 10,1%-عا ءوستى. سونداي-اق قايناتىلعان شۇجىق - 23,6%-عا, جارتىلاي ىستالعان شۇجىق - 22,2%-عا قىمباتتادى.
2022 جىلدىڭ 1 جەلتوقسانىنا قاراي قازاقستاندا ەشكى سانى - 2,3 ملن باسقا دەيىن جانە شوشقا سانى - 812,5 مىڭ باسقا دەيىن ءوستى. جىلقى سانى ءبىر جىلدا 12,1%-عا, 3,7 ملن باسقا دەيىن, تۇيە - 8,6%-عا, 260,5 مىڭ باسقا دەيىن, ءىرى قارا - 5,2%-عا, 8,5 ملن باسقا دەيىن, قوي - 4,4%-عا, 19,6 ملن باسقا دەيىن, قۇس - 1,1%-عا, 50,8 ملن باسقا دەيىن وسكەن.
تاۋىق جۇمىرتقاسىنىڭ ءوندىرىسى ءبىر جىلدا 4,9%-عا ارتتى. شارۋاشىلىقتاردا 5,9 ملن توننا سيىر ءسۇتى ساۋىلدى, بۇل وتكەن جىلمەن سالىستىرعاندا 2,1%-عا ارتىق.
ءىرى جانۋارلاردىڭ تەرى ءوندىرىسى ءبىر جىلدا 0,7%-عا, 2,9 ملن داناعا دەيىن وسسە, ۇساق جانۋارلاردىڭ تەرىسى كەرىسىنشە 0,5%-عا, 6,6 ملن داناعا دەيىن تومەندەدى
2022 جىلدىڭ 31 جەلتوقسانىنان باستاپ اۋىل شارۋاشىلىعى ءمينيسترىنىڭ بۇيرىعىنا سايكەس قازاقستاندا اۋىل شارۋاشىلىعى جانۋارلارىن ەل اۋماعىنان اكەتۋدىڭ جاڭا ەرەجەلەرى بەكىتىلىپ, ساندىق شەكتەۋلەر ەنگىزىلدى.
