مەديتسينا • 13 قاڭتار، 2023

«قازاقستان حالقىنا» قورى 130 ازاماتتى قىمبات دارىمەن قامتاماسىز ەتتى

64 رەت كورسەتىلدى

«قازاقستان حالقىنا» قورى 15،3 ميلليارد تەڭگەدەن استام سوماعا ومىرگە قاۋىپ توندىرەتىن، سيرەك كەزدەسەتىن جانە سوزىلمالى اۋرۋلارى بار 130 ەمدەلۋشىنى دارىلىك زاتتارمەن قامتاماسىز ەتتى. ولاردىڭ 118-ءى - ورفاندىق اۋرۋعا شالدىققان ناۋقاستار، دەپ حابارلايدى Egemen.kz.

بارلىعى 20 ءتۇرلى ءدارى ساتىپ الىنعان. ولاردىڭ ىشىندە ج ۇلىن بۇلشىقەت اتروفياسى بار بالالارعا قولدانىلاتىن الەمدەگى ەڭ قىمبات دارىلىك زات – «زولگەنسما» («وناسەمنوگەن ابەپارۆوۆەك») بار. ونكولوگيالىق جانە ونكوگەماتولوگيالىق دەرتى بار پاتسيەنتتەرگە، سونداي-اق ديۋشەننىڭ بۇلشىقەت ديستروفياسى، مۋكوۆيستسيدوز، تۋا بىتكەن ليپوديستروفيا، جۇيەلى قىزىل جەگى، وكپەنىڭ ليمفانگيولەيوميوماتوزى، ەپيلەپسيانىڭ سيرەك جانە فارماكورەزيستەنتتى تۇرلەرى، تۇقىم قۋالايتىن انگيونەۆروتيكالىق ءىسىنۋ، جاسوسپىرىمدەردىڭ يديوپاتيالىق ءارتريتى، پاروكسيزمالدى تۇنگى گەموگلوبينۋريا اۋرۋى، ءاتيپتى گەموليتيكالىق-ۋرەميالىق سيندروم سياقتى دياگنوزدارى بار ەمدەلۋشىلەرگە ارنالعان ءدارى-دارمەكتەر ساتىپ الىندى.

قور تاراپىنان قولداۋ كورگەن بالالاردىڭ ءبىرى – تايرا مۇحتار. نەيروبلاستوما دياگنوزى قويىلعان. رەميسسياعا شىعۋ ءۇشىن بالاعا «كارزيبا» («دينۋتۋكسيماب بەتا») پرەپاراتى بەرىلدى. ءدارىنىڭ 1 قۇتىسىنىڭ باعاسى 6 898 600 تەڭگە. تايرانىڭ ەمدىك كۋرسى ءۇشىن 25 قۇتى ساتىپ الىندى. «كارزيبا» – قازاقستاندا تىركەلمەگەن، اۋىر تۇردەگى نەيروبلاستومانى ەمدەۋگە ارنالعان قىمبات ءدارى.

«وتكەن جىلى 2 جاسار قىزىما نەيروبلاستوما دياگنوزى قويىلعاندا، ءتيىمدى ەمدەۋ جۇرگىزۋ ءۇشىن «كارزيبا» دارىسىمەن يممۋنوتەراپيا كەرەكتىگىن ەستىدىم. وكىنىشكە قاراي، كەپىلدەندىرىلگەن مەملەكەتتىك مەديتسينالىق كومەك اياسىندا بۇل پرەپارات بەرىلمەيدى. مىسالى، رەسەيدە وسى ءدارىنى ساتىپ الۋ ءۇشىن اتا-انالار 30 ميلليون رۋبل جيناۋعا ءماجبۇر. مەن دە پرەپاراتتى الۋ ءۇشىن جيناعان م ۇلىكتى ساتىپ، قارىز الۋعا جانە قاراجات جيناۋ ءۇشىن قور اشۋعا تۋرا كەلەتىنىنە دايىندالىپ ءجۇردىم. بىراق «قازاقستان حالقىنا» قورىنىڭ ارقاسىندا قىزىم 3 ەمدەۋ كۋرسىنان ءوتتى، ەندى تاعى 2 كۋرسى قالدى. تولىعىمەن ساۋىعىپ شىعۋعا، ءومىر بويى رەميسسياعا شىعۋعا مۇمكىندىك بار. شەتەلگە بارۋدىڭ، قور اشۋدىڭ، بالامىزدىڭ دەنساۋلىعى ءۇشىن ۇنەمى قورقىنىشپەن ءومىر ءسۇرۋدىڭ قاجەتى جوق. قازىر ءبىز ءوز ەلىمىزدە ەمدەلىپ جاتىرمىز، ەمدەۋ اراسىنداعى ۇزىلىستە تۋىستارىمىزدىڭ جانىندا بولامىز»، دەيدى تايرانىڭ اناسى تاڭشولپان قۇرماناليەۆا.

ورفاندىق جانە اۋىر سىرقاتتاردى ەمدەۋ ءدارى-دارمەكتەردىڭ جوعارى قۇنىمەن ەرەكشەلەنەدى. بۇل سيرەك دارىلىك زاتتاردىڭ جەتكىزۋشىسىن ىزدەۋ كۇردەلى ءۇردىس، ءارى  ءدارى-دارمەك تەك الدىن-الا جىبەرىلگەن وتىنىمدەر بويىنشا عانا شىعارىلادى. سوندىقتان سيرەك كەزدەسەتىن دارىلەرگە وتىنىمدەر الدىن-الا جىبەرىلۋى ءتيىس. ودان بولەك ديستريبيۋتورلار پرەپاراتتاردىڭ از مولشەرىن جەتكىزۋگە مۇددەلى ەمەس ەكەنىن دە اتاپ وتكەن ءجون.

سوڭعى جاڭالىقتار

دوللار باعامى ءوستى

قارجى • بۇگىن، 15:50

27 ناۋرىز - حالىقارالىق تەاتر كۇنى

مادەنيەت • بۇگىن، 15:13

ۇقساس جاڭالىقتار