جوعارعى سوتتىڭ سۋديالارىن قىزمەتتەن بوساتۋ تۋرالى ۇسىنىستى جوعارعى سوت كەڭەسىنىڭ توراعاسى دەنيس شيپپ وقىپ بەردى.
ء«سىزدىڭ قاراۋىڭىزعا مەملەكەت باسشىسىنىڭ جوعارعى سوت سۋديالارىن – سالي ۆياچەسلاۆ ۆاسيلەۆيچتى, ەسكەندىر اساندى جانە قادىرباەۆا ايگۇلدى باسقا لاۋازىمعا تاعايىنداۋعا بايلانىستى قىزمەتتەن بوساتۋ تۋرالى ۇسىنىستارى ەنگىزىلدى», دەدى دەنيس شيپپ.
ول ۆياچەسلاۆ ساليا پرەزيدەنتتىڭ 2022 جىلعى 5 جەلتوقسانداعى جارلىعىمەن قوستاناي وبلىستىق سوتىنىڭ توراعاسى بولىپ تاعايىندالعانىن, پارلامەنت سەناتىنىڭ 2022 جىلعى 29 جەلتوقسانداعى قاۋلىلارىمەن اسان ەسكەندىروۆ پەن ايگۇل قىدىرباەۆا وسى جىلدىڭ 1 قاڭتارىنان باستاپ قر كونستيتۋتسيالىق سوتىنىڭ سۋديالارى بولىپ تاعايىندالعانىن اتاپ ءوتتى.
«مەملەكەت باسشىسىنىڭ سالي, ەسكەندىروۆ پەن قادىرباەۆانى باسقا لاۋازىمعا تاعايىندالۋىنا بايلانىستى جوعارعى سوت سۋديالارى قىزمەتىنەن بوساتۋ تۋرالى ۇسىنىسىن قولداۋىڭىزدى سۇرايمىن», دەپ اتاپ ءوتتى دەنيس شيپپ.
قاراۋ قورىتىندىسى بويىنشا دەپۋتاتتار پرەزيدەنتتىڭ ۇسىنىسىن ءبىراۋىزدان قولدادى.
