رolisia.kz تاراتقان مالىمەتكە سايكەس, قۇقىق بۇزۋشى قىزدارعا قاتىستى اقبتك-ءنىڭ 73-1-بابى بويىنشا اكىمشىلىك ءىس جۇرگىزۋ ءالى دە جالعاسىپ جاتىر. جابىرلەنۋشى وقۋشى قىزدىڭ وكىلى (ونىڭ اجەسى) باستاپقىدا ارىز بەرۋدەن باس تارتقان. الايدا كەشە قالالىق پوليتسياعا ارىزداندى.
قىز ەمدەلۋ جانە تولىق مەديتسينالىق تەكسەرۋدەن ءوتۋ ءۇشىن اۋرۋحاناعا جاتقىزىلدى. ءىس جۇزىندە قاجەتتى ساراپتامالار تاعايىندالدى. پوليتسيا جانجالعا قاتىسۋشىلارعا قاتىستى باسقا دا فاكتىلەردى تەكسەرىپ جاتىر.
بەينەجازبانىڭ اۆتورى كامەلەتكە تولماعان قىزداردىڭ 19 جاستاعى تانىسى بولىپ شىقتى. ول دا انىقتالىپ, پوليتسياعا جەتكىزىلىپ, اكىمشىلىك جاۋاپكەرشىلىككە تارتىلدى. كامەلەتكە تولماعان قۇقىق بۇزۋشى قىزداردىڭ ارەكەتتەرىن ءبىلىم بەرۋ ورگاندارى مەن قۇقىق قورعاۋ ورگاندارىنىڭ قىزمەتكەرلەرىنەن تۇراتىن ارنايى قۇرىلعان كوميسسيا قاراستىرادى.
سونىمەن قاتار الەۋمەتتىك جەلىلەردە وسى تاقىرىپقا قاتىستى بالاعات سوزدەرمەن بەينە-ۇندەۋ جاريالاعان تاعى ءبىر كامەلەتكە تولماعان قىزدىڭ اتا-اناسىنا ايىپپۇل سالىندى. سونداي-اق قىزدىڭ وزىنە قاتىستى اقبتك-ءنىڭ 434-بابى بويىنشا ماتەريال جينالدى.
