«اۋدان تۇرعىندارى الەۋمەتتىك نىساندار, ينجەنەرلىك جەلىلەر, جولدار مەن تروتۋارلار, اۋلالار مەن قوعامدىق كەڭىستىكتەر سالۋ, اباتتاندىرۋ, جىلى ايالدامالار, بەينەباقىلاۋ كامەرالارىن ورناتۋ, جاڭا مارشرۋتتاردى ىسكە قوسۋ, ينتەرنەت, ينفراقۇرىلىم نىساندارى جانە ت.ب. ماسەلەلەردى كوتەردى», دەپ جازدى اكىم.
ونىڭ ايتۋىنشا, قالادا سۋمەن, جىلۋمەن, ەلەكترمەن قوسىمشا جابدىقتاۋ قاجەتتىلىگى بار.
«كەلەسى جىلىتۋ ماۋسىمى باستالعانعا دەيىن جەو-3, ەكى گاز جىلۋ ستانتسياسىنىڭ قۇرىلىسىن اياقتاۋدى تاپسىردىم. بۇل نىساندار جىلۋمەن جابدىقتاۋ كولەمىن ەداۋىر ارتتىرۋعا, سول سياقتى قۇرىلىسى ءجۇرىپ جاتقان اۋدانداردى جىلۋمەن قامتۋعا مۇمكىندىك بەرەدى. سونىمەن قاتار بيىل اۋىز سۋ ستانتسياسىن (سسس-3) تولىق قۋاتتا ىسكە قوسۋدى جوسپارلاپ وتىرمىز, بۇل سۋ بەرۋ ماسەلەسىن دە شەشەدى. دەگەنمەن بىرنەشە جىلدان كەيىن بۇل دا جەتكىلىكسىز بولادى. سول سەبەپتى قالانىڭ باس جوسپارىنىڭ جوباسىنا ەلوردانىڭ تىرشىلىگىن دۇرىس قامتاماسىز ەتۋگە مۇمكىندىك بەرەتىن بىرقاتار نىساننىڭ قۇرىلىسىن ەنگىزەمىز», دەلىنگەن جازبادا.
كەزدەسۋدە تۇرعىندار №15 قالالىق ەمحانا مەن №13 مەكتەپ بويىنشا ماسەلەلەردى كوتەردى.
كوكتەم مەزگىلىنىڭ كەلۋىمەن اۋدانداردى اباتتاندىرۋ, جولدار مەن تروتۋارلار, اۋلالار مەن قوعامدىق كەڭىستىكتەر سالۋ جانە ت.ب. بويىنشا جۇيەلى جۇمىستار جالعاسادى.
