مينيستر ۆەدومستۆو كومانداسى باعدارلامانى قازاق تىلىنە لوكاليزاتسيالاي وتىرىپ, 600 كۋرسقا دەيىن كەڭەيتۋ بويىنشا جۇمىس ىستەپ جاتقانىن جەتكىزدى. الداعى ءۇش جىلدا 100 000 قازاقستاندىق ستۋدەنت پەن وزگە دە پايدالانۋشىلار Coursera پلاتفورماسىنا قول جەتكىزە الادى.
ۆەدومستۆو باسشىسىنىڭ ايتۋىنشا, قازىردىڭ وزىندە Stanford University-دە وقيتىن قازاقستاندىق ستۋدەنتتەر پلاتفورمانىڭ بارلىق مۇمكىندىكتەرىن بەلسەندى پايدالانىپ جاتىر.
«بۇگىنگى كەزدەسۋدە ولاردىڭ دا پىكىرلەرىن سۇرادىم. اتالعان پلاتفورما وقۋ جوسپارلارىنداعى ولقىلىقتاردى تولتىرۋعا جانە ديپلومدىق باعدارلامالاردى ەڭبەك نارىعىمەن تىكەلەي بايلانىستىرۋعا كومەكتەسەدى. ءىس جۇزىندە ءبىزدىڭ ستۋدەنتتەرگە مانساپتىق ماقساتتارىنا جەتۋگە مۇمكىندىك بەرەدى. Coursera جوباسى جۇمىس بەرۋشىلەرگە دە پايدالى بولماق», دەپ تۇيىندەدى ساياسات نۇربەك.
