«مەملەكەت باسشىسىنىڭ جارلىعىمەن قازاقستان رەسپۋبليكاسى كونستيتۋتسيالىق سوتىنىڭ سۋدياسى باقىت مارات ۇلى نۇرمۇحانوۆ قازاقستان رەسپۋبليكاسى كونستيتۋتسيالىق سوت توراعاسىنىڭ ورىنباسارى لاۋازىمىنا تاعايىندالدى», دەپ جازىلعان حابارلامادا.
باقىت نۇرمۇحانوۆ 1979 جىلى شقو كۇرشىم اۋدانى قالجىر اۋىلىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
ەڭبەك جولىن شىعىس قازاقستان مەملەكەتتىك ۋنيۆەرسيتەتىنىڭ قىلمىستىق قۇقىق جانە قىلمىستىق پروتسەسس كافەدراسىندا وقىتۋشىلىقتان باستادى.
2003 جىلدىڭ مامىر ايىنان قازاقستان رەسپۋبليكاسىنىڭ كونستيتۋتسيالىق كەڭەسىندە: قۇقىق ءبولىمىنىڭ كونسۋلتانتى, قۇقىقتىق قامتاماسىز ەتۋ ءبولىمىنىڭ باس كونسۋلتانتى, باس ساراپشى, باس كونسۋلتانت, قۇقىقتىق ساراپتاما ءبولىمى تالداۋ سەكتورىنىڭ مەڭگەرۋشىسى, توراعانىڭ كەڭەسشىسى قىزمەتتەرىن اتقارعان.
2008-2017 جىلدارى نەگىزگى قىزمەتىمەن قوسا ەۋروپا كەڭەسىنىڭ «قۇقىق ارقىلى دەموكراتيا ءۇشىن» ۆەنەتسيا كوميسسياسىنىڭ بايلانىس بويىنشا وفيتسەرى فۋنكتسيالارىن اتقاردى.
قازىرگى قىزمەتىندە 2017 جىلدىڭ تامىز ايىنان باستاپ جۇمىس ىستەپ كەلگەن.
«ەرەن ەڭبەگى ءۇشىن» مەدالىمەن, «قازاقستان كونستيتۋتسياسىنا 10 جىل», «قازاقستان حالقى اسسامبلەياسىنا 20 جىل» جانە «قازاقستان كونستيتۋتسياسىنا 20 جىل» مەرەكەلىك مەدالدارىمەن ماراپاتتالعان.
