34 جاستاعى ەر ادام جالعا الىنعان DAF كولىگىمەن جۇك تاسىمالداۋمەن اينالىسقان. وتكەن جىلدىڭ سوڭىندا ول تاۋاردى الماتىدان تيەپ الىپ, رەسەي فەدەراتسياسىنىڭ ماسكەۋ قالاسىنا جەتكىزبەك بولعان. اقتوبە قالاسىنا كەلگەن ول اتالعان م ۇلىكتى يەمدەنبەك ويىمەن تاۋارعا ءورت قويۋدى جوسپارلاعان.
3 قاڭتاردا كۇدىكتى مارجانبۇلاق اۋىلىندا تۋىسقانىنىڭ ۇيىنە تاۋاردىڭ ءبىر بولىگىن (شامامەن 70%-ىن) ءتۇسىرىپ, ودان ءارى شىمكەنت – سامارا تاس جولىنا شىعىپ, اتالعان اۋىلدان 40 شاقىرىمداي قاشىقتىقتا فۋرانىڭ تىركەمەسىندە قالعان تاۋاردى ورتەپ جىبەرگەن. تاۋار يەسى جۇك كولىگىندە جالپى سوماسى 146 ميلليون تەڭگەگە تاۋار (ەلەكترونيكا, ۇيالى تەلەفون اكاسەسسۋارلارى, زاريادتاۋلار, پاۋەربانكتەر, اۆتوماگنيتولدار) بار ەكەنىن تۇسىندىرگەن.
اتالعان فاكتى قر قك-ءنىڭ 190-بابى 4-بولىگى (الاياقتىق) بويىنشا تىركەلىپ, سوتقا دەيىنگى تەرگەپ-تەكسەرۋ جۇرگىزىلىپ جاتىر. كۇدىكتى قاماۋعا الىندى.
