فوتو: اشىق دەرەككوز
سوڭعى جىلدارى قازاقستاندا بىرنەشە رەت راقىمشىلىق جاريالاندى. ماسەلەن 2021 جىلى تاۋەلسىزدىكتىڭ 30 جىلدىعىنا وراي جۇرگىزىلگەن راقىمشىلىق اياسىندا 2 مىڭنان استام ادام بوساتىلىپ, 11 مىڭنان استام سوتتالۋشىنىڭ جازا مەرزىمى قىسقارتىلدى.
ەلىمىزدە سوتتالعان ازاماتتاردىڭ قانشاسى راقىمشىلىققا ىلىگەدى؟
جاڭا قۇجاتقا سايكەس اكىمشىلىك راقىمشىلىق نەگىزىنەن ايىپپۇلدارعا جانە قوعامعا اسا قاۋىپ توندىرمەيتىن قۇقىق بۇزۋشىلىقتارعا قاتىستى جۇرگىزىلەدى. ءماجىلىس دەپۋتاتى نۇرسۇلتان بايتىلەسوۆتىڭ ايتۋىنشا, زاڭ جوباسى حالىقارالىق تاجىريبەگە سۇيەنە وتىرىپ دايىندالعان.
«مىسالى, يتاليادا اكىمشىلىك جۇكتەمەنى ازايتۋ جانە ازاماتتاردىڭ مىندەتتەمەلەرىن ءوز ەركىمەن ورىنداۋىن ىنتالاندىرۋ ماقساتىندا اكىمشىلىك ايىپپۇلدار مەن قارجىلىق سانكتسيالاردان بوساتۋ تەتىكتەرى پايدالانىلعان. اقش-تا كەيبىر شتاتتار بەرەشەكتى ەرىكتى تۇردە وتەۋ جاعدايىندا اكىمشىلىك سانكتسيالار مەن ءوسىمپۇلداردى ۋاقىتشا الىپ تاستاۋ باعدارلامالارىن جۇزەگە اسىرعان. ال يندونەزيادا اكىمشىلىك راقىمشىلىق مەملەكەتتىك اۋقىمدى رەفورمالاردىڭ ءبىر بولىگى رەتىندە قولدانىلىپ, اكتيۆتەردى زاڭداستىرۋعا, مەملەكەتتىك ينستيتۋتتارعا دەگەن سەنىمدى ارتتىرۋعا جانە قۇقىقتىق كەڭىستىكتى كەڭەيتۋگە باعىتتالعان», دەدى ءماجىلىس دەپۋتاتى.
قازاقستاندا كىمدەردىڭ اكىمشىلىك جازالارى تولىقتاي كەشىرىلەدى؟
ونىڭ ايتۋىنشا, اكىمشىلىك قۇقىق بۇزۋشىلىقتار بويىنشا راقىمشىلىق جاساۋ ەلىمىزدەگى وسى باعىتتاعى العاشقى تاجىريبە بولماق.
«اكىمشىلىك راقىمشىلىق – بۇل سوڭعى نۇكتە ەمەس, بۇل ۇلكەن ۇدەرىستىڭ باستاۋى. الداعى ۋاقىتتا بۇل قۇقىقتىق شارانىڭ ناتيجەسىن باعامداي كەلە, اكىمشىلىك زاڭنامانى بۇدان دا كەڭىرەك فورماتتا ىزگىلەندىرۋگە مۇمكىندىك تۋادى. وسى يگىلىكتى شارا ارقىلى ءاربىر ازامات ءوزىنىڭ جىبەرگەن كەمشىلىگىن سەزىنىپ, قوعامدا زاڭ مەن ءتارتىپتى ساقتاۋعا ۇلكەن جاۋاپكەرشىلىكپەن قارايدى دەپ سەنەمىن», دەدى نۇرسۇلتان بايتىلەسوۆ.
ەسكە سالا كەتەيىك, بۇگىن ءماجىلىستىڭ جالپى وتىرىسىندا راقىمشىلىق, كەدەن مەن پسيحولوگيالىق قىزمەتكە قاتىستى زاڭ جوبالارى قارالىپ جاتىر.
