«وسىدان تۋرا ءبىر جىل بۇرىن, ياعني 2025 جىلى قازاقستان رەسپۋبليكاسى كونستيتۋتسياسىنىڭ 30 جىلدىعىنا وراي راقىمشىلىق جاسالعان بولاتىن. سول كەزدە جەڭىل جانە ورتاشا اۋىر قىلمىس جاساعان ازاماتتاردىڭ ءبىر بولىگى باس بوستاندىعىنان ايىرۋ ورىندارىنان بوساتىلدى.وسىعان بايلانىستى بىرنەشە سۇراعىم بار.
بىرىنشىدەن, بيىلعى راقىمشىلىققا شامامەن قانشا سوتتالۋشى ىلىگەدى؟
ەكىنشىدەن, وتكەن جىلى راقىمشىلىقپەن بوساتىلعان ادامداردىڭ قانشاسى كەيىن قايتادان قىلمىس جاساپ, باس بوستاندىعىنان ايىرۋ جازاسىنا سوتتالدى؟ قازىر سول ادامدارعا جاڭا راقىمشىلىق قولدانىلۋى مۇمكىن بە؟ جالپى مۇنداي ستاتيستيكا جۇرگىزىلە مە؟
ۇشىنشىدەن, ەگەر راقىمشىلىق العان ادام قايتادان قىلمىس جاساسا, وندا مۇنداي كەشىرىم جاساۋ اكتسياسىنىڭ ءمانى مەن تيىمدىلىگى قانداي دەپ ەسەپتەيسىزدەر؟», دەدى دەپۋتات.
قازاقستاندا كىمدەردىڭ اكىمشىلىك جازالارى تولىقتاي كەشىرىلەدى؟
ءادىل جۇبانوۆتىڭ ساۋالىنا ىشكى ىستەر ءمينيسترىنىڭ ورىنباسارى – قىلمىستىق-اتقارۋ جۇيەسى كوميتەتىنىڭ توراعاسى اباي قايىربەكوۆ جاۋاپ بەردى.
«وتكەن جىلعى راقىمشىلىق جاساۋ اكتىسىنە سايكەس 15 مىڭنان استام سوتتالعان ادامنىڭ قىلمىستىق جازاسى جەڭىلدەتىلدى. ولاردىڭ ءبىر بولىگى بوساتىلسا, ەندى ءبىرىنىڭ جازا وتەۋ مەرزىمى قىسقارتىلدى. بيىلعى جىلى الدىن الا ەسەپتەۋلەر بويىنشا شامامەن 15 مىڭ سوتتالعان ادام قىلمىستىق راقىمشىلىققا ىلىگۋى مۇمكىن. ونىڭ ىشىندە 5 مىڭنان استامى باس بوستاندىعىنان ايىرۋ ورىندارىندا جازاسىن وتەپ جاتقاندار بولسا, قالعاندارى پروباتسيالىق باقىلاۋداعى سوتتالعاندار.
وتكەن جىلعى راقىمشىلىق اياسىندا 2 300-گە جۋىق ادام قىلمىستىق-اتقارۋ جۇيەسى مەكەمەلەرىنەن بوساتىلدى. وكىنىشكە قاراي, ولاردىڭ ىشىنەن 8 ادام قايتادان قىلمىس جاساپ, قىلمىستىق جاۋاپكەرشىلىككە تارتىلدى.
زاڭ جوباسىنىڭ 3-بابىنا سايكەس, بۇرىن راقىمشىلىق قولدانىلىپ, كەيىن قايتادان قىلمىس جاساعان ادامداردىڭ ارەكەتتەرىندە رەتسيديۆ بەلگىلەرى بولعان جاعدايدا, ولارعا راقىمشىلىق قولدانىلمايدى», دەدى مينيسترلىك وكىلى.
اباي قايىربەكوۆتىڭ ايتۋىنشا راقىمشىلىق ناتيجەسىندە قايتا قىلمىس جاساعان ازاماتتاردىڭ سانى وتە تومەن. بار بولعانى – 8 ادام. ونىڭ ۇستىنە بۇل ازاماتتاردىڭ جاساعان ارەكەتتەرى اۋىر قىلمىستار ساناتىنا جاتادى جانە ولاردىڭ ءىس-ارەكەتتەرىندە قىلمىستىڭ قايتالانۋى, ياعني رەتسيديۆ بەلگىلەرى بار. سوندىقتان ولارعا بيىلعى راقىمشىلىق قولدانىلمايدى.
