ءوندىرىس الماتىنىڭ الاتاۋ اۋدانىنداعى جەكە ۇيلەردىڭ بىرىندە ورنالاسقان. وندا 32 جاستاعى ەر ادام جۇمىس ىستەپ كەلگەن. ول – وراۋىش جانە كوتەرمە ساۋدامەن اينالىساتىن ادامنىڭ قىزمەتتەرىن اتقارعان.
– جەدەل ادىسپەن الىنعان اقپارات مۇقيات تەكسەرىلدى جانە راستالدى. بىرنەشە اي بويى ء«وندىرۋشى» زەرتحانا جۇمىسىن رەتتەپ, وندا سينتەتيكالىق مەفەدرون پرەپاراتىن جاساعان. بەلگىلى بولعانداي, ب. ەسىمدى ازامات جۇمىس بەرۋشىنىڭ جەلىدەگى ونلاين نۇسقاۋلارىن ورىنداپ وتىرعان. كۋراتور وعان قاجەتتى شيكىزاتتىڭ جەتكىزىلۋىن قامتاماسىز ەتە وتىرىپ, زەرتحانالىق جۇمىستاردى ۇيرەتكەن. حيميك-ەسىرتكى ساتۋشى قوسالقى بولمەسى بار جەكە ءۇيدى جالعا العان: ەسىرتكى زەرتحاناسىن قوراعا ورنالاستىرىپ, ءوزى باس عيماراتتا تۇرعان. كۇدىكتى قىلمىستىق ۇسىنىسقا جوعارى ەڭبەكاقىعا قىزىعىپ كەلىسكەنىن ايتادى, – دەدى الماتى قالالىق پوليتسيا دەپارتامەنتى باستىعىنىڭ ورىنباسارى ديدار احانوۆ.
ەسىرتكى ساتۋشى ارنايى ءىس-شارا بارىسىندا ۇستالدى. ەسىرتكى زەرتحاناسى جويىلدى. ءتىنتۋ كەزىندە ول جەردەن پرەكۋرسورلار, شيكىزات, ساتۋعا دايىن سينتەتيكالىق ەسىرتكى جانە شىنى ىدىستار تۇرىندەگى ينۆەنتار, سۇيىقتىقتارى بار پوليەتيلەن كانيسترلەر, پروبيركالار, بوتەلكەلەر, تارازىلار مەن ەلەكتر پەشتەرى تابىلدى.
– تاركىلەنگەن شيكىزاتتىڭ جالپى سالماعى 100 كەلىنى قۇرايدى. كۇدىكتى ۋاقىتشا ۇستاۋ يزولياتورىنا قامالدى. اتالعان دەرەك قر قك-ءنىڭ 297-بابى 3-بولىگىندە كوزدەلگەن قىلمىس بەلگىلەرى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ەسكە سالايىق, بۇعان دەيىن ەققكب قىزمەتكەرلەرى قىلمىستىق بيزنەستىڭ سىبايلاستارىنىڭ ءبىرى 33 جاستاعى س.ەسىمدى ازاماتتى ۇستاعان. ونىڭ كولىگىنەن 85 بۋما مەفەدرون جانە ماريحۋانا تابىلىپ, تاركىلەندى. انىقتالعانداي, سينتەتيكالىق ەسىرتكىنى كۇدىكتىنىڭ ءوزى جاساعان. وسى ماقساتتا ول الماتى وبلىسى تۇزدىباستاۋ اۋىلىندا جەكە تۇرعىن ءۇيدى جالعا العان. رۇقسات ەتىلگەن ءتىنتۋ كەزىندە جالعا الىنعان تۇرعىن ۇيدەن زەرتحانالىق قۇرال-جابدىقتار مەن 15 كەلىدەن استام سينتەتيكالىق ەسىرتكى تابىلدى جانە تاركىلەندى, – دەدى احانوۆ.
