«تۇرعىندارمەن, ونىڭ ىشىندە ۇلەسكەرلەرمەن تۇراقتى تۇردە كەزدەسىپ تۇرامىن. قۇرىلىسى ۇزاققا سوزىلعان بىرقاتار عيماراتقا باردىم. وزدەرىڭىزگە ءمالىم, ءار نىساننىڭ وتكەن تاريحى ءارتۇرلى, ولاردىڭ قۇرىلىسى بىرنەشە جىلدان بەرى بىتپەي كەلەدى. ماسەلەن «اقەركە-2» تۇرعىن ءۇي كەشەنىنىڭ ءتىپتى ىرگەتاسى دا بولماعان ەدى, ال «پانا» تۇرعىن ءۇي كەشەنىنىڭ قۇرىلىسى 8 جىل بۇرىن باستالعان», دەپ جازدى اكىم ءوزىنىڭ Instagram-پاراقشاسىندا.
شاھار باسشىسىنىڭ ايتۋىنشا, اكىمدىك قۇرىلىسى ۇزاققا سوزىلعان نىسانداردى اياقتاۋ بويىنشا جۇيەلى جۇمىس جۇرگىزگەن. دەگەنمەن قالادا قۇرىلىسى ۇزاق جىلدارعا سوزىلىپ كەتكەن تۇرعىن ۇيلەر ءالى دە بار. ال مىڭداعان وتباسى جىلدار بويى باسپانالارىن كۇتىپ ءجۇر. جەڭىس قاسىمبەكتىڭ ايتۋىنشا, قۇرىلىسى ۇزاققا سوزىلعان ءاربىر نىساندى اياقتاۋ بويىنشا جوسپار بەلگىلەنگەن.
«قالانى ارالاۋ بارىسىندا دونور-نىسانداردىڭ قۇرىلىسىمەن دە تانىستىم. ولار ۇزاققا سوزىلعان نىسانداردىڭ قۇرىلىسىن اياقتاۋ ءۇشىن سالىنعان قاراجاتتىڭ قايتارىمدىلىعىن قامتاماسىز ەتەدى. قۇرىلىسى ۇزاققا سوزىلعان نىسانداردىڭ اياقتالۋى مەملەكەت باسشىسى قاسىم-جومارت توقاەۆتىڭ باقىلاۋىندا», دەپ جازدى ەلوردا اكىمى.
