جەرگىلىكتى مەردىگەرلەرگە سەنىم

جاعداي ءوڭىر باسشىسى نۇرجان نۇرجىگىتوۆتىڭ تولىقتاي باقىلاۋىندا. ايتكەنمەن، مونوقالاداعى «كوكبۇلاق» سۋمەن قامتۋ قويماسىنداعى ەلەكتر جەلىلەرىن جونگە كەلتىرۋ جۇمىستارى جەدەل اياقتالۋعا ءتيىس. سونىمەن قاتار «جاڭاتاس سۋ جىلۋ» كاسىپورنىن ساپالى اۋىز سۋمەن تۇراقتى قامتاماسىز ەتۋ ماسەلەسى دە وزەكتى.

بۇگىندە جاڭاتاستاعى ورتا­لىق قازاندىق شتاتتىق رەجىمدە جۇمىس ىستەپ تۇر. قىزمەت­كەر­لەر جۇرتتى جىلۋمەن قامتۋ ءۇشىن جان اياماي ەڭبەك ەتۋدە. ناتي­جەسىندە، قالا تۇرعىن­دارى جىلۋمەن قامتىلعان. قازىرگى كەزدە قالاداعى 97 كوپقاباتتى تۇرعىن ءۇي بويىنشا اينالىمدى رەتكە كەلتىرۋ، ارتىق اۋانى شىعارۋ جۇمىستارى جۇرگىزىلىپ جاتىر.

دۇلەي داۋىل سالدارىنان جاڭاتاس قالاسىندا ۇزىن سانى 9 نىسان ايتارلىقتاي ب ۇلىنگەن بولاتىن. اتالعان عيماراتتاردىڭ بارلىعىندا كۇردەلى جوندەۋ جۇمىستارى باستالىپ كەتتى. ءوڭىر باسشىسىنىڭ تاپسىرماسىنا سايكەس، جۇمىستى ساپالى اتقارۋ ءۇشىن جەرگىلىكتى مەردىگەرلەر جۇمىلدىرىلعان. ولار باستالعان جۇمىستى جەدەل اياقتاۋى كەرەك.

سارىسۋ اۋداندىق ەلەكتر جەلىلەرىن تاراتۋ مەكەمەسى ما­مان­دارىنىڭ ايتۋىنشا، 726 شاقىرىم ەلەكتر جەلىلەرىنىڭ 62 شاقىرىمى ۇزىلگەن. 10،5 مىڭ ەلەكتر باعاناسىنىڭ 240-ى قۇلاعان. بۇگىنگە دەيىن 51 شاقىرىم ەلەكتر جەلىسى مەن 151 باعانا قالپىنا كەلتى­رىلگەن. اۋدانداعى 25 اۋىلدىڭ 23-ءى ەلەكتر ەنەرگياسىمەن قامتا­ما­سىز ەتىلدى. جاڭاتاستاعى 97 كوپقاباتتى تۇرعىن ءۇيدىڭ بار­لى­عىنا ەلەكتر ەنەرگياسى قوسىل­عان. قىسقاسى، جاعدايدى قا­لىپقا كەلتىرۋ ماقساتىندا اۋ­قىم­دى جۇمىس اتقارىلىپ جا­تىر دەپ ايتۋعا تولىقتاي نەگىز بار.

«بارلىق قالپىنا كەلتىرۋ جۇمىستارى 10 كۇننىڭ ىشىندە اياقتالۋعا ءتيىس. 1-2 كۇندە جاڭاتاس قالاسى جانە اۋداننىڭ ەلدى مەكەندەرى تولىقتاي ەلەكتر ەنەرگياسىمەن قامتىلۋى كەرەك. وسى مەرزىمدە قالاعا سۋ، جىلۋ تولىعىمەن بەرىلۋى قاجەت. قالاداعى ءار ۇيگە جىلۋدىڭ جەتۋىن تەكسەرەمىز. ءىشىنارا ب ۇلىنگەن نىسانداردى اۋدان باسشىلارى ءبىر كۇندە رەتكە كەلتىرۋى كەرەك. ءار نىسانعا ءبىر-ءبىر مەردىگەردەن بەكىتىلەدى. ۋاقىت جوعالتۋعا بولمايدى. ەلدى مەكەندەردى تازارتۋ جۇمىستارىنا دا بارىنشا كوڭىل بولەمىز. ءبىزدىڭ ەڭ نەگىزگى مىندەتىمىز – حالىققا قىزمەت كورسەتۋ»، دەدى ءوڭىر باسشىسى.

قاتتى جەلدەن تالاس اۋدانىنىڭ ورتالىعى قاراتاۋ حالقى دا ايتارلىقتاي زارداپ شەككەن بولاتىن. مۇندا جالپى سانى 11 نىسان ب ۇلىنگەن. بۇگىندە اتالعان نىسانداردىڭ بارلىعىنا جوندەۋ جۇمىستارى جۇرگىزىلىپ جاتىر. ءوڭىر باسشىسى كۇردەلى جوندەۋدى قاجەت ەتپەيتىن نىسانداردى اسار ءادىسى ارقىلى قالىپقا كەلتىرۋ كەرەكتىگىن ايتىپ وتىر.

«اۋا رايى قايتادان بۇزىل­ماي تۇرىپ، بارلىق جوندەۋ جۇمىستارىن قىسقا مەرزىمدە اياقتاۋعا ءتيىسپىز. ەرتەڭ سۇراق تۋىنداماس ءۇشىن بارلىق جۇمىس­تىڭ ساپالى ورىندالۋىن قاتاڭ باقىلاۋدا ۇستاۋ قاجەت. ءىشىنارا بۇزىلعان نىسانداردى اسار ادىسىمەن رەتكە كەلتىرۋ كەرەك. تابيعي توتەنشە جاعداي سالدارىن جويۋعا تۇرعىنداردى دا جۇمىلدىرۋ ماڭىزدى. اۋىلداستاردىڭ ءبىر-بىرىنە قول­ۇشىن بەرۋى قانىمىزدا بار يگى ءداستۇر. «جۇمىلا كوتەرگەن جۇك  جەڭىل» دەپ بەكەر ايتىلماعان»، دەدى ن.نۇرجىگىتوۆ.

قىسقاسى، دۇلەي جەل سالدارىنان تۋىن­داعان ماسەلەلەردى دەر كەزىندە شەشۋ ءۇشىن بارلىق جاعداي قاراستىرىلىپ جاتىر. جەرگىلىكتى اتقارۋشى بيلىك كۇن قايتا سۋىتپاي تۇرىپ، جوندەۋ جۇمىستارىن جەدەل اياق­تاۋعا ىنتالى. سول ءۇشىن دە بارلىق جۇمىسقا جەرگىلىكتى مەردىگەرلەر تارتىلىپ وتىر.

جامبىل وبلىسى