مىرزاعالي ايتجانوۆ ۇلتتىق قۇرامانىڭ باس باپكەرى قىزمەتىنەن ءوز ەركىمەن كەتكەن قايرات ءساتجانوۆتىڭ ورنىنا كەلدى.
قايرات ءساتجانوۆ 2021 جىلدىڭ قىركۇيەگىنەن باستاپ قازاقستان رەسپۋبليكاسىنىڭ ەرلەر قۇراماسىن باسقارعان ەدى. وسى ۋاقىت ىشىندە قازاقستاندىق بوكسشىلار 2021 جىلى بەلگرادتا وتكەن الەم چەمپيوناتىندا بەس مەدال جەڭىپ الدى. سونىمەن قاتار 2022 جىلى امماندا وتكەن ازيا چەمپيوناتىندا ۇزدىك ونەر كورسەتىپ, ەكى چەمپيوناتتا دا قازاقستان كوماندالىق مەدالدىق ەسەپتە ەكىنشى ورىنعا يە بولدى.
«قازاقستان بوكس فەدەراتسياسى قايرات ساتجانوۆقا اتقارعان جۇمىسى ءۇشىن العىس بىلدىرە وتىرىپ, ەلىمىزدىڭ ۇلتتىق كومانداسىنىڭ جاڭا تالىمگەرى مىرزاعالي ايتجانوۆقا الەم چەمپيوناتتارىندا, ازيا جانە وليمپيادا ويىندارىندا بۇدان دا ۇلكەن جەتىستىكتەر تىلەيدى», دەلىنگەن حابارلامادا.
ەسكە سالا كەتەيىك, مىرزاعالي ايتجانوۆ حالىقارالىق دارەجەدەگى سپورت شەبەرى, قازاقستاننىڭ ەڭبەك سىڭىرگەن جاتتىقتىرۋشىسى.
