كاسىپكەرلىك قىزمەتتى باستاۋعا نيەت بىلدىرگەن نەمەسە كاسىپكەرلىكپەن اينالىساتىن 21-35 جاس ارالىعىنداعى جاستارعا شاعىن نەسيەلەر كونكۋرستىق نەگىزدە بەرىلەدى.
نەسيە «اگرارلىق نەسيە كورپوراتسياسى» اق ارقىلى جۇزەگە اسادى. نومينالدى سىياقى مولشەرلەمەسى جىلدىق 2,5%-دان اسپايدى. نەسيەنىڭ ماكسيمالدى سوماسى 5 ميلليون تەڭگەگەنى قۇرايدى, سونداي-اق كەپىلزاتتىڭ بولۋى مىندەتتەلەدى.
شاعىن نەسيەلەردى كەز كەلگەن ماقسات ءۇشىن 5 جىلعا, ال مال شارۋاشىلىعىنا 7 جىلعا دەيىنگى مەرزىمگە الۋعا بولادى.
سونداي-اق نەگىزگى بەرەشەك پەن سىياقىنى وتەۋ بويىنشا جەڭىلدىك كەزەڭى كوزدەلگەن, ول شاعىن نەسيەلەۋ مەرزىمى ۇزاقتىعىنىڭ 1/3 (ۇشتەن بىرىنەن) اسپايدى.
قازىرگى ۋاقىتتا مينيسترلىك جەرگىلىكتى اتقارۋشى ورگاندارمەن نەسيەلىك شارتتار جاساسۋ, «اگرارلىق نەسيە كورپوراتسياسى» اق-مەن جەرگىلىكتى اتقارۋشى ورگانداردى بەكىتۋگە شارت جاساسۋ, سونداي-اق بيزنەس-جوبالاردى قاراۋ ءۇشىن وڭىرلىك كوميسسيالار قۇرۋ بويىنشا جۇمىس اتقارىپ جاتىر.
