ۇلتتىق ستاتيستيكا بيۋروسىنىڭ مالىمەتىنشە, ءبىر جىلدا وبلىستا ازىق-ت ۇلىك تاۋارلارىنىڭ باعاسى 25,7%-عا, ازىق-ت ۇلىككە جاتپايتىن ونىمدەر - 19%-عا, اقىلى قىزمەتتەر - 14%-عا ءوستى.
ءبىر جىل ىشىندە قانت 55%-عا, ۇن 44%-عا قىمباتتادى. جارما 42%-عا, نان جانە كونديتەرلىك ونىمدەر – 41%-عا, ماكارون ونىمدەرى – 33%-عا, ءسۇت ونىمدەرى – 30%-عا جۋىق, الكوگولسىز سۋسىندار – 23%-عا, ەت – 21%-عا ءوستى. سونداي-اق جەمىستەر 25%-عا, جاڭا پىسكەن كوكونىس باعاسى – 17%-عا جۋىق وسكەن.
تازالاۋ قۇرالدارىنىڭ باعاسى 36%-دان استام, تۇرمىستىق تەحنيكا - 2%-عا, تۇرعىن ءۇي-جايلاردى كۇتىپ ۇستاۋعا جانە جوندەۋگە ارنالعان ماتەريالدار - 19%-عا, كيىم مەن اياق كيىم - 17%-عا جۋىق, فارماتسەۆتيكالىق ونىمدەر - 14%-عا ءوستى.
ءدال وسى كەزەڭدە تۇرعىن ءۇيدى جالداۋ اقىسى شامامەن 47%-عا وسكەنى بايقالدى. قوعامدىق تاماقتاندىرۋ قىزمەتتەرىنىڭ قۇنى, شاشتاراز جانە جەكە كۇتىم قىزمەتتەرى 26%-عا قىمباتتادى.
