قىزمەتكەرلەر 500 تەكشە مەتردەن استام قاردى توگىپ, تاۋ شاڭعىسى كۋرورتىندا دەمالىپ جاتقان تۇرعىنداردىڭ قاۋىپسىزدىگىن قامتاماسىز ەتتى.
«جالپى الماتى وبلىسىندا قار كوشكىنى قاۋىپى بار 165 ورىن بەلگىلەنگەن, ونىڭ ىشىندە «مەدەۋ» ەسك, «شىمبۇلاق» تاۋ شاڭعىسى كۋرورتى مەن ۇلكەن الماتى كولىندە ورنالاسقان 18 قار كوشكىنىنىڭ ورنى قالا تۇرعىندارى مەن تۋريستەرى ءۇشىن ەڭ قاۋىپتى ورىن بولىپ سانالادى», دەپ حابارلادى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتىنەن.
«قازگيدرومەت» جانە «كازسەلدەنقورعاۋ» بەكەتتەرى قار كوشكىنى جاعدايىنا تۇراقتى مونيتورينگ جۇرگىزەدى. شۇعىل شارالاردى جۇرگىزۋ ءۇشىن «كازسەلدەنقورعاۋ» بازاسىندا جەدەل مەحانيكالاندىرىلعان بريگادا قۇرىلدى.
ماماندار بۇل ۋاقىتتا تاۋلى ايماققا بارماۋعا, تىك قارلى بەتكەيلەردەن ساق بولۋعا, تاۋ شاڭعىسى كۋرورتتارىنداعى قورشاۋدان اسىپ كەتپەۋگە كەڭەس بەرەدى. قار كوشكىنى قاۋپى ءالى دە ساقتالادى.
