جوعالعان 12 ادام ءبىر وتباسىنىڭ مۇشەلەرى بولىپ شىقتى. ولار 31 جەلتوقسان كۇنى ءوز اۋىلدارىنا كەتكەن ەكەن. ەكى كۇن بويى بولعان قاتتى بوران سالدارىنان جولداردىڭ بارلىعى جابىلىپ, وتباسى مۇشەلەرى كەرى قايتا الماي, سول جەردە قالىپ كويعان.
وتباسى مۇشەلەرى ۇيگە ورالماعاندىقتان, 3 قاڭتار كۇنى ۇيدە قالعان وتباسى مۇشەسى ولاردى ىزدەۋ قاجەتتىگىن ايتىپ قۇتقارۋشىلارعا حابار بەرگەن.
قۇتقارۋشىلار مۇگەدەك اجە مەن ەكى قىزدى تۇركىستان قالاسىنا ەۆاكۋاتسيالادى. اجەگە مەديتسينالىق كومەك قاجەت بولعان جاعدايدا, بۇل جەرگە مەديتسينا قىزمەتكەرلەرىنىڭ جەتۋى قيىن بولاتىن ەدى. قالعان 9 وتباسى مۇشەسى اۋىلداعى ۇيدە قالدى. ولار ەۆاكۋاتسيادان باس تارتىپ, جول اشىلعان سوڭ ۇيلەرىنە ورالاتىنىن ايتتى.
ايتا كەتەيىك, بۇگىن تۇركىستان وبلىسى تجد 112 پۋلتىنە بايدىبەك اۋدانى بايجانساي تاۋىنا ەكى اۆتو كولىكپەن جولعا شىققان ادامداردىڭ جوعالعانى تۋرالى حابارلاما تۇسكەن ەدى.
