جامبىل وبلىسىنىڭ اكىمى نۇرجان نۇرجىگىتوۆ سارىسۋ اۋدانىنا ساپارى بارىسىندا جاۋاپتى تۇلعالارعا ەلەكتر ەنەرگياسى مەن جىلۋ بەرۋ ماسەلەلەرىن جەدەل شەشۋدى تاپسىردى.
«اتقارىلعان جۇمىستاردىڭ ناتيجەسىندە ەلەكتر قۋاتى قايتا بەرىلە باستادى, ەندى جىلۋمەن جابدىقتاۋ شارالارى جۇزەگە اسىرىلىپ جاتىر», دەلىنگەن اكىمدىك حابارلاماسىندا.
قازىرگى ۋاقىتتا «جاڭاتاسۋجىلۋ» مكك سۋمەن جانە جىلۋمەن جابدىقتاۋ جۇيەسىن تولتىرا باستادى, اينالىم سورعىلارىنىڭ قىزمەتىن قالىپقا كەلتىرۋ جۇمىستارى دا جۇرگىزىلىپ جاتىر. قالانىڭ جىلۋمەن جابدىقتاۋ جۇيەسىن كەزەڭ-كەزەڭىمەن ىسكە قوسۋ جانە بارلىق ۇيلەردى ءبىر تاۋلىك ىشىندە جىلىتۋعا تولىق قوسۋ جوسپارلانعان.
ەسكە سالا كەتسەك, 3 قاڭتاردا قاتتى جەلدىڭ سالدارىنان جاڭاتاستا ەلەكتر باعانالارى قۇلاپ قالعان. بۇل ەلەكتر جەلىلەرىندە ءتيىستى كەرنەۋدىڭ تارالۋىنا كەدەرگى كەلتىردى. ناتيجەسىندە جىلۋمەن جابدىقتاۋ جۇيەسىنەن سۋدى اعىزۋ تۋرالى شەشىم قابىلداندى. قالا جارىق پەن جىلۋسىز قالدى, وڭىردە تابيعي توتەنشە جاعداي رەجيمى ەنگىزىلدى.
