رەسمي مالىمەت بويىنشا, ەلدىڭ سەگىز وبلىسىندا 42 قوعامدىق عيمارات زاقىمدانعان.
«سونىڭ ءبىرى الماتى قالاسى پرەزيدەنتىنىڭ رەزيدەنتسياسى. وزدەرىڭىز بىلەسىزدەر, بۇل نىساندى قالپىنا كەلتىرۋ ەمەس, ونى بۇزۋ تۋرالى شەشىم قابىلداندى. بۇگىنگى كۇنى بۇل 41 نىسانعا 31 ميلليارد 100 ميلليون تەڭگە بولىنگەن. 37 وبەكت قالپىنا كەلتىرىلدى. وسى ايدا جەتىسۋ وبلىسى اكىمدىگىنىڭ عيماراتىن, ناۋرىز ايىندا الماتى قالاسى بويىنشا باس پروكۋراتۋرانىڭ قۇقىقتىق اقپارات ستاتيستيكاسى ورتالىعىنىڭ عيماراتىن جانە الماتى قالاسى اكىمدىگىنىڭ عيماراتىن قالپىنا كەلتىرۋ جۇمىستارى اياقتالادى. كوپشىلىگى ناۋرىز ايىندا قالپىنا كەلتىرىلەدى», دەدى ر. سكليار ءماجىلىس وتىرىسىندا.
ول الماتى قالاسىنداعى تەلەراديوكەشەننىڭ عيماراتىن قالپىنا كەلتىرۋ مۇمكىن بولماعاندىقتان بۇزۋ تۋرالى شەشىم قابىلدانعانىن ايتتى.
«قازىر ونىڭ قۇرىلىسى قارقىندى جۇرگىزىلىپ جاتىر. ول بيىلعى جىلدىڭ سوڭىنا دەيىن اياقتالادى. وعان قوسىمشا قاراجات بولىنەدى, ونى ءبىز مەملەكەتتىك ساراپتامادان ءوتۋ ناتيجەسى بويىنشا انىقتايمىز.
قازىر مەملەكەتتىك ەمتيحان مەملەكەتتىك تاپسىرۋ رەجيمىندە جۇرگىزىلىپ جاتىر. كوممەرتسيالىق م ۇلىككە كەلەتىن بولساق, بارلىعى 350 كوممەرتسيالىق نىسان زارداپ شەكتى. بارلىعى بۇگىنگى كۇنگە دەيىن قالپىنا كەلتىرىلدى. 1789 كاسىپكەرلىك سۋبەكتىسى كەلتىرىلگەن زالالدى تىكەلەي وتەۋگە ءوتىنىش ءبىلدىرىپ, ولارعا بارلىق شاعىن جانە ورتا بيزنەس سۋبەكتىلەرى بويىنشا 16 ملرد 700 ملن تەڭگە تولىق كولەمدە وتەلدى», دەپ تۇيىندەدى ءسوزىن پرەمەر-ءمينيستردىڭ ورىنباسارى.
